Монгол улсын Засгийн газрын 2013 оны 120-р тогтоолоор жил бүрийн 4-р сарын 28 ны өдрийг Хүн амын хөгжил нийгмийн хамгааллын салбарын ажилтны баярын өдөр болгон тэмдэглэх тухай шийдвэр гарсан билээ.Тус өдрийг угтан өчигдөр нээлттэй өдөрлөгийг зохион байгуулсан бол өнөөдөр буюу 2016 оны 04 дүгээр сарын 28-ны өдөр баярын хурал, хүндэтгэлийг концертийг Монголын үйлдвэрчний эвлэлийн соёлын төв ордонд зохион байгууллаа.

Тус өдөрлөгт Хүн амын хөгжил нийгмийн хамгааллын яам, Нийгмийн даатгалын ерөнхий газар, Нийгмийн халамж үйлчилгээний ерөнхий газар, Хүүхдийн төлөө үндэсний газар болон Сэргээн засалт хөгжлийн үндэсний төвийн удирдлагууд, ажилтан, албан хаагчид оролцож 2012-2016 онд хийсэн ажлын тайлангаа танилцуулж, цаашдын зорилгоо зорилтоо хэлэлцэв.

 

Мөн энэ үеэр эрхэлсэн ажилдаа амжилт гаргаж, хөдөлмөр бүтээлээрээ олноо манлайлсан ажилтнуудыг шагнаж урамшуулсаны дээр, төрийн захиргааны албан хаагчдын тангараг өргөх ёслол, Нийгмийн даатгалын улсын ахлах байцаагчдын үнэмлэх тэмдгийг гардуулах үйл ажиллагааг зохион байгууллаа.