Танд туслах хэрэглэгчийн лавлах

7777-1289
НүүрМэдээЭмнэлэг хөдөлмөрийн магадлах төв комиссоос аудио хурал зохион байгуулав.

Эмнэлэг хөдөлмөрийн магадлах төв комиссоос аудио хурал зохион байгуулав.

Нийгмийн даатгалын ерөнхий газрын дэргэдэх Эмнэлэг хөдөлмөрийн магадлах төв комиссоос 2019 онд зохион байгуулж буй үйл ажиллагааны талаар мэдээлэл өгөх зорилгоор  04 дүгээр сарын 12-ний өдөр Аудио хурал зохион байгуулав.

Уг хуралд Эмнэлэг хөдөлмөрийн магадлах төв комиссын нарийн бичгийн дарга, магадлагч эмч нар болон Нийслэлийн дүүргүүд, Баян-Өлгий, Булган, Говь-Алтай, Говьсүмбэр, Дархан-Уул, Дундговь, Дорноговь, Дорнод, Завхан, Өмнөговь, Өвөрхангай, Орхон, Сүхбаатар, Хэнтий, Сэлэнгэ, Увс, Ховд, Хөвсгөл, аймгийн Нийгмийн даатгалын хэлтсийн дэргэдэх Эмнэлэг хөдөлмөрийн магадлах комиссын дарга, гишүүд нийт 90 гаруй  эмч, мэргэжилтнүүд хамрагдав.

Аудио хурлаар “Хөдөлмөрийн  чадвар алдалтыг тогтоож буй бодлого, зохицуулалт, үр дүн” сэдэвт улсын зөвлөгөөнтэй холбоотой мэдээлэл хүргүүлж, “Хөдөлмөрийн чадвар алдалт тогтооход баримталж буй хууль эрх зүйн орчны өнөөгийн байдал” сэдэвт эрдэм шинжилгээний бага хурлыг зохион байгуулсан тухай болон “Эмнэлэг хөдөлмөрийн магадлах жишиг комисс шалгаруулах журам”-ыг танилцуулж, цаашид анхаарах асуудлын талаар ярилцаж санал солилцов.