ДОТООД АУДИТ, МОНИТОРИНГИЙН ГАЗРЫН ЧИГ ҮҮРЭГ

Монгол Улсын Их Хурал, Засгийн газраас батлагдсан бодлогын баримт бичиг, хууль тогтоомж, тогтоол шийдвэрийн хэрэгжилт, нийгмийн даатгалын салбарын хууль тогтоомжийн биелэлт, гүйцэтгэлийн төлөвлөгөөний хэрэгжилт, биелэлт, байгууллагын мэдээллийн ил тод, нээлттэй байдалд хяналт-шинжилгээ, үнэлгээ хийх, төсөв, санхүү, нягтлан бодох бүртгэлийн хууль тогтоомжийн хэрэгжилтийг хангуулах, салбарын бодлого, төлөвлөгөө, хөтөлбөр, үйл ажиллагаа, төслийн хэрэгжилтэд дотоод аудит хийж үнэлэлт, дүгнэлт өгөх, зөвлөмж гаргах, шилэн дансны мэдээлэлд хяналт тавих, болзошгүй эрсдэлээс урьдчилан сэргийлэх, мэргэжил арга зүйн туслалцаа үзүүлэх, нийгмийн даатгалын доод шатны байгууллагуудыг мэргэшил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ. 

ЗАХИРГАА, УДИРДЛАГЫН ГАЗРЫН ЧИГ ҮҮРЭГ

Нийгмийн даатгалын байгууллагыг мэргэшсэн хүний нөөцөөр бүрдүүлэх, хүний нөөцийн чадавхийг бэхжүүлэх, тэдний хэрэгцээ шаардлага, судалгаанд тулгуурлан байцаагч, ажилтныг тасралтгүй сургах, мэргэшүүлэх, үнэлгээ хийх, ажил олгогчид, даатгуулагчид, иргэдэд сургалт хийх, бодлого, үйл ажиллагааг олон нийтэд нээлттэй, ил тод байдлыг хангах замаар байгууллагын хөгжил, тогтвортой үйл ажиллагааг хангах, бодлогын баримт бичиг, хууль тогтоомж, тогтоол шийдвэрийн хэрэгжилт, байгууллагын тайланг нэгтгэх, тайлагнах, байгууллагын хэвийн үйл ажиллагаанд шаардагдах өмч хөрөнгийн хэрэгцээ, захиран зарцуулалт, хадгалалт хамгаалалтыг төлөвлөх, хэрэгжүүлэх, ил тод тайлагнах, салбарын үйл ажиллагааг хууль, эрх зүй, төрийн албаны ёс зүйн хэм хэмжээнд зохион байгуулах, нийгмийн даатгалын байгууллагуудын архив, албан хэрэг хөтлөлтийн ажлыг мэргэжил арга зүйн удирдлагаар хангах, түүнчлэн нийгмийн даатгалын байгууллагуудын хоорондын үйл ажиллагааг уялдуулан зохицуулах,  нийгмийн даатгалын доод шатны байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

БОДЛОГЫН ХЭРЭГЖИЛТ, ТӨЛӨВЛӨЛТИЙН ГАЗРЫН ЧИГ ҮҮРЭГ

Нийгмийн даатгалын хууль тогтоомжийг боловсронгуй болгох асуудлаар санал боловсруулах, холбогдох байгууллагаар шийдвэрлүүлэх, хууль тогтоомж, Улсын Их Хурал, Засгийн газрын шийдвэрийг хэрэгжүүлэхтэй холбоотой дүрэм, журам, зөвлөмж, аргачлал, заавар, чиглэл боловсруулах, нийгмийн даатгалын сангийн болон үйл ажиллагаа, хөрөнгө оруулалтын зардлын дунд хугацааны төсвийн хүрээний мэдэгдэл, жилийн хязгаарын санал, төсөл, төсөөллийг актуар тооцоололд үндэслэн боловсруулах, төсвийн нарийвчилсан хуваарийг боловсруулан батлуулах, нийгмийн даатгалын сангийн орлого, зарлагын төсвийн гүйцэтгэлд хяналт тавих, судалгаа хийх, ирээдүйн төлөв байдал, урт хугацааны урьдчилсан (актуар) тооцоолол хийх, үнэлэлт дүгнэлт өгөх, санал боловсруулах, Монгол Улс болон гадаад улс орнуудын Засгийн газар хоорондын нийгмийн хамгааллын салбарт хамтран ажиллах боломжийг судлах, нийгмийн хамгааллын чиглэлээр байгуулсан олон улсын хэлэлцээрийн хэрэгжилтийг зохион байгуулах, гадаад хамтын ажиллагааг өргөжүүлэх, Монгол Улсын нутаг дэвсгэрт үйл ажиллагаа явуулж буй олон улсын байгууллагатай хамтын ажиллагаагаа өргөжүүлэх, хамтран ажиллах ажлыг зохион байгуулах, Нийгмийн даатгалын хууль тогтоомж болон бусад холбогдох хууль тогтоомж, бодлогын баримт бичиг, хөтөлбөрийн хэрэгжилтийг зохион байгуулах, ажил олгогч, даатгуулагчид, тэтгэвэр, тэтгэмж, төлбөр авагчдын тоон судалгааны маягт, хөтлөх зааврыг боловсруулан батлуулах, программын даалгавар боловсруулах, ажил олгогчид, иргэдийг нийгмийн даатгалд хамруулах, хамралтыг нэмэгдүүлэх, нийгмийн даатгалын хамралтын тооны сарын мэдээг нэгтгэн тайлагнах, улсын бүртгэлийн, татварын болон төрийн захиргааны бусад байгууллагуудтай хамтран ажиллах, гэрээ байгуулах, гэрээний хэрэгжилтийг зохион байгуулах, доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

САНХҮҮ БҮРТГЭЛ, ХӨРӨНГӨ ОРУУЛАЛТЫН ГАЗРЫН ЧИГ ҮҮРЭГ 

Нийгмийн даатгалын сангийн орлогыг бүрдүүлэх, тэтгэвэр, тэтгэмж, төлбөр, зардлын санхүүжилт, шимтгэлийн хөнгөлөлт, чөлөөлөлтийг хуулиар тогтоосон хугацаанд олгох, төсвийн гүйцэтгэлийг хангуулах, тэтгэврийн нөөц санд мөнгөжүүлсэн орлогыг даатгуулагч тус бүрээр хуваарилж, бүртгэх, нийгмийн даатгалын сангийн чөлөөт үлдэгдлийг санхүүгийн хэрэгсэлд оруулж, сангийн хөрөнгийг нэмэгдүүлэх, нийгмийн даатгалын сангийн нягтлан бодох бүртгэлийн бодлогын баримт бичиг болон холбогдох бусад дүрэм, журам, заавар, зөвлөмж боловсруулах, өмчийн харилцаа, худалдан авалт, хөрөнгө оруулалтын үйл ажиллагааг зохион байгуулах, төсвийн гүйцэтгэл, санхүүгийн тайланг хуулиар тогтоосон хугацаанд нэгтгэн тайлагнах, доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

ҮЙЛЧИЛГЭЭ ХӨГЖҮҮЛЭЛТ, НИЙТТЭЙ ХАРИЛЦАХ ГАЗРЫН ЧИГ ҮҮРЭГ

Нийгмийн даатгалын үйлчилгээг ажил олгогчид, даатгуулагчид, иргэд, тэтгэвэр, тэтгэмж авагчдад  чирэгдэлгүй, шуурхай хүргэх боломжийг судлах, орчин үеийн шинэ бүтээгдэхүүн, үйлчилгээг нэвтрүүлэх, үйлчилгээний төрлийг нэмэгдүүлэх, үйл ажиллагааны стандартыг сайжруулах чиглэлээр судалгаа шинжилгээ, үнэлгээ хийх, зөвлөмж, санал боловсруулах, ажил олгогчид, даатгуулагчид, иргэд, тэтгэвэр авагчдын сэтгэл ханамжийг судлах, үнэлэх замаар нийгмийн даатгалын үйлчилгээний шуурхай байдал, чанар, хүртээмжийг сайжруулах талаар санал боловсруулж, шийдвэрлүүлэх, нийгмийн даатгалын хууль тогтоомжийг ажил олгогчид, даатгуулагчид, олон нийт, харилцагч болон харьяа байгууллагуудад сурталчлан таниулах, мэдээллээр хангах, салбарын цаг үеийн мэдээллийг олон нийтэд түгээх зорилгоор радио, телевиз, сонин хэвлэлийн байгууллагуудтай хамтран  ажиллах, сурталчилгааны зориулалттай ном, товхимол, гарын авлага хэвлүүлэн түгээх, гадаад улс оронд хөдөлмөр эрхэлж буй Монгол Улсын иргэдийг нийгмийн даатгалд хамруулах чиглэлээр хамтран ажиллах, төрийн болон төрийн бус байгууллагууд, ажил олгогчид, аж ахуй нэгж, байгууллагууд, нийгмийн даатгалын үйлчилгээг цахим, нэг цэгийн болон явуулын хэлбэрээр үзүүлэх, доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

ХЯНАЛТ ШАЛГАЛТЫН ГАЗРЫН ЧИГ ҮҮРЭГ

 Нийгмийн даатгал, нийгмийн халамжийн хууль тогтоомж болон гэрээ, хэлэлцээрийн хэрэгжилт, нийгмийн даатгалын хамралт, сангийн орлогын бүрдүүлэлт, зарцуулалт, тэтгэвэр, тэтгэмж, төлбөр, зардлын тогтоолт, олголт, мэдээллийн цахим сангийн бүрдүүлэлтэд хяналт тавих, илэрсэн зөрчил дутагдлыг арилгуулах, мэргэжил, арга зүйн зөвлөгөө өгөх замаар болзошгүй эрсдэлээс урьдчилан сэргийлэх, таслан зогсоох, зөрчлийн үр дүнг олон нийтэд мэдээлэх арга хэмжээг авч хэрэгжүүлэх, нийгмийн даатгалын хууль тогтоомжид заасны дагуу шимтгэлийн орлогыг бүрдүүлэх, шимтгэлийн өр барагдуулах ажлыг удирдан зохион байгуулах, ажил олгогч, аж ахуйн нэгж, байгууллага, төрийн бус байгууллагуудтай хамтран ажиллах, шимтгэлийн өрийн сарын мэдээг нэгтгэн тайлагнах, нийгмийн даатгалын ажилтны ёс зүйг сахиулах, тэдний мэдлэг, ур чадвар, хариуцлагыг дээшлүүлэх чиглэлээр салбарын хэмжээнд хяналт шалгалтыг сайжруулах, доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

ЭРҮҮЛ МЭНДИЙН МАГАДЛАЛЫН ТӨВ ЗӨВЛӨЛИЙН ЧИГ ҮҮРЭГ

Эрүүл мэндийн магадлалтай холбоотой хууль, дүрэм, журам, тушаал, шийдвэрийн хэрэгжилтийг хангах, эрүүл мэндийн магадлалын үйл ажиллагааг сайжруулах чиглэлээр санал боловсруулах, шийдвэрлүүлэх, даатгуулагч, хүний хөдөлмөрийн чадвар алдалтын хувь, хугацаа, шалтгааныг дахин магадлах, аймаг, дүүргийн Нийгмийн даатгалын газрын дэргэдэх Эрүүл мэндийн магадлах зөвлөл, Сэтгэцийн өвчний салбар зөвлөл, Мэргэжлээс шалтгаалсан өвчний салбар зөвлөлд мэргэжил, арга зүйн туслалцаа үзүүлэх, үйл ажиллагаанд үнэлэлт дүгнэлт өгөх, хяналт шалгалт хийх, эрүүл мэндийн магадлалтай холбоотой гарсан маргааныг эцэслэн шийдвэрлэх, магадлагч эмч нарын сургалтын хэрэгцээг судалж шийдвэрлүүлэх, үнэлэлт дүгнэлт өгөх, хөдөлмөрийн чадвар алдалтын чиглэлээр судалгаа, шинжилгээ хийх, иргэдийн хөдөлмөрийн чадвар алдалтыг бууруулах чиглэлээр мэргэжлийн бусад байгууллагуудтай хамтран ажиллах,  Үйлдвэрлэлийн осол, мэргэжлээс шалтгаалсан өвчний даатгалын сангаас санхүүжих сэргээн засах төв болон сувилалын үйл ажиллагаа, эмнэлгийн хуудас олголтод хяналт тавих доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.

МЭДЭЭЛЛИЙН ТЕХНОЛОГИЙН ТӨВИЙН ЧИГ ҮҮРЭГ

Нийгмийн даатгалын ерөнхий газраас гаргасан хууль тогтоомжийн хэрэгжилтийн болон мэдээллийн технологийн бодлого, чиглэлийг хэрэгжүүлэх, нийгмийн даатгалын байгууллагыг нийгмийн даатгалын үйлчилгээг үзүүлэх, санхүүгийн болон хамрагдалтын тооны  тайлан, мэдээг гаргахад мэдээллийн технологи, программын үйл ажиллагаагаар дэмжих, мэдээллийн сан бүрдүүлэлт, хадгалалт хамгаалалт, гадаад, дотоод мэдээллийн урсгалын нэгдсэн хяналттай тогтолцоог төлөвшүүлэх, хөгжүүлэх, нэгдсэн сүлжээг үүсгэх, суурилуулах, өргөтгөх, мэдээллийн урсгалын хурдыг сайжруулах, мэдээллийн үйлчилгээ үзүүлэх, хэрэглээний болон системийн, тусгай зориулалтын программ хангамж болон техник хангамжийг шинэчлэх, хөгжүүлэх, нэвтрүүлэх, бэлтгэн нийлүүлэх, нийгмийн даатгалын байгууллагуудад хуваарилах, суурилуулах, засварлах, ажил олгогч, даатгуулагчид, иргэд, тэтгэвэр авагчдад нийгмийн даатгалын үйлчилгээг цахимаар түргэн шуурхай хүргэх нөхцөлийг бүрдүүлэх, доод шатны нийгмийн даатгалын байгууллагуудыг мэргэжил, арга зүйгээр хангах, удирдлагыг болон зохион байгуулалтын бүтцийн нэгжүүдийг үнэн зөв мэдээллээр хангах чиг үүргийг хэрэгжүүлнэ.