Нийгмийн даатгалын сангаас олгох тэтгэмжийн тухай хуулийн 15 дугаар зүйлийн 15.3-т заасны дагуу Нийгмийн даатгалын ерөнхий газрын даргын 2025 оны А/267 дугаар тушаал “Тэтгэмж бодох заавар”-ыг баталсан.

Тус зааврын 4 дэх заалтын 4.3 дэх хэсгийн санамж⁶, 5 дахь заалтын 5.3 дахь хэсгийн санамж¹², 6 дахь заалтын 6.2 дахь хэсгийн санамж¹⁸, 7 дахь заалтын 7,2 дахь хэсгүүдэд өөрчлөлт оруулах, мөн 8 дугаар зүйлийн 8.7 дахь хэсгийг шинээр нэмж оруулах зохицуулалтыг хийж байгаа тул иргэд, даатгуулагч та бүхэн журмын дээрх заалттай холбоотой саналаа 2026 оны 06 дугаар сарын 05-ны өдрийн дотор өгнө үү.

Журамд нэмэлт өөрчлөлт оруулахтай холбоотой асуудлаар НДЕГ-ын Бодлогын хэрэгжилт, төлөвлөлтийн газрын 32-80-30-304 тоот утсанд хандана уу.

 

НИЙГМИЙН ДААТГАЛЫН ЕРӨНХИЙ ГАЗАР