Улсын Их Хурлын 2026 оны 07 дугаар сарын 02-ны өдрийн нэгдсэн чуулганаар хэлэлцэн баталсан Нийгмийн даатгалын ерөнхий хуульд нэмэлт, өөрчлөлт оруулах тухай, Нийгмийн даатгалын сангаас олгох тэтгэврийн тухай хуульд нэмэлт, өөрчлөлт оруулах тухай, Нийгмийн даатгалын сангаас олгох тэтгэмжийн тухай хуульд нэмэлт, өөрчлөлт оруулах тухай, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд нэмэлт, өөрчлөлт оруулах тухай хуулиудыг хэрэгжүүлэхтэй холбогдуулан Нийгмийн даатгалын сангаас олгох тэтгэврийн тухай хуулийн 22 дугаар зүйлийн 22.4-т заасны дагуу “Тэтгэвэр авагчид суурь тэтгэвэр тогтоох, олгох заавар”-ын төслийг боловсруулж, олон нийтээс санал авахаар танилцуулж байна.
Иймд тэтгэвэр авагч ахмад настан, ажил олгогч, даатгуулагч та бүхэн зааврын төсөлд тусгах саналаа тус цахим хуудасны “Санал хүсэлт” хэсгээр 2026 оны 10 дугаар сарын 19-ний өдрийн дотор өгнө үү.
НИЙГМИЙН ДААТГАЛЫН ЕРӨНХИЙ ГАЗАР
