Гэр бүл, хөдөлмөр, нийгмийн хамгааллын яамнаас боловсруулсан “Нийгмийн даатгалын багц хуулийн нэмэлт, өөрчлөлт” болон “Хувийн нэмэлт тэтгэврийн тухай хуулийн төсөл”-ийн хэлэлцүүлэг Өмнөговь аймагт зохион байгуулагдлаа.
Хэлэлцүүлэгт НДЕГ-ын дарга Б.Батжаргал, Өмнөговь аймгийн Нийгмийн даатгалын газрын дарга Б.Оргилболд болон тус газрын албан хаагчид, сумын нийгмийн даатгалын ажилтнууд оролцов.
Тэтгэврийн тогтолцооны 6 гол шинэчлэл болон 11 бүлэг, 49 зүйлтэй Хувийн нэмэлт тэтгэврийн тухай хуулийн төслийг нарийвчлан танилцууллаа. Шинэчлэлийн хүрээнд тэтгэврийн даатгалын тогтолцоог сайжруулах, залуу үеийнхний ирээдүйн санхүүгийн баталгааг урт хугацаанд найдвартай бүрдүүлэх зохицуулалтуудыг тусгасан.
Хэлэлцүүлгийн үеэр албан хаагчдаас гаргасан санал, хүсэлтийг хуулийн төсөлд тусган ажиллах юм.
