Танд туслах хэрэглэгчийн лавлах

7777-1289
НүүрМэдээЭрүүл мэндийн даатгалын ерөнхий газартай хамтран ажиллах гэрээ байгууллаа

Эрүүл мэндийн даатгалын ерөнхий газартай хамтран ажиллах гэрээ байгууллаа

Эрүүл мэнд, нийгмийн даатгалын ерөнхий газарт бүтэц, зохион байгуулалтын өөрчлөлт хийгдэж Нийгмийн даатгалын ерөнхий газар нь Хөдөлмөр нийгмийн хамгааллын яамны харъяа Засгийн газрын хэрэгжүүлэгч агентлаг, Эрүүл мэндийн даатгалын газар нь Эрүүл мэндийн яамны харъяа бие даасан агенлаг болсон.

Агентлагууд тусдаа үйл ажиллагаа явуулах болсон ч зарим чиг үүргийг хамтран хэрэгжүүлэх хэвээр байгаа юм. Тухайлбал Нийгмийн даатгалын ерөнхий газар нь хуульд заасны дагуу эрүүл мэндийн даатгалын шимтгэлийн орлогыг цуглуулж, төвлөрүүлэх, уг хөрөнгийг эрүүл мэндийн даатгалын санд шилжүүлэх, тайлагнах ажлыг гүйцэтгэх юм.

       Тус харилцааг зохицуулах зорилгоор өнөөдөр /2018.03.22/ хамтран ажиллах гэрээг үзэглэлээ. Гэрээг Нийгмийн даатгалын ерөнхий газрын дарга Д.Зоригт, Эрүүл мэндийн даатгалын ерөнхий газрын даргын үүргийг түр орлон гүйцэтгэгч Ч.Алтанхуяг нар баталгаажуулсан бөгөөд цаашид хүн амын нийгмийн баталгааг хангах чиглэлд хамтран ажиллахаар зөвшилцөв.