Танд туслах хэрэглэгчийн лавлах

7777-1289
НүүрМэдээ“ЦАГААН ТУУЗТНЫ АЯН”-НД НЭГДЛЭЭ

“ЦАГААН ТУУЗТНЫ АЯН”-НД НЭГДЛЭЭ

Анх охид, эмэгтэйчүүдийн эсрэг үйлдэж буй аливаа хүчирхийллийн эсрэг бүх нийтээрээ нэгдэхийг уриалсан “Цагаан туузтны аян”-ыг дэлхий нийтээр 1991 оноос тэмдэглэж эхэлсэн түүхтэй.

Өнөөдөр дэлхийн 180 гаруй улс тус аянд нэгдэж жил бүрийн 11 дүгээр сарын 25-ны өдрөөс 12 дугаар сарын 10-ны өдрийн хооронд “Жендэрт суурилсан хүчирхийлэлтэй тэмцэх 16 хоногийн аян”-ыг нэгдмэл зорилго, нэг уриан дор тэмдэглэн өнгөрүүлж байна.

Энэ жил “Нандин бүхнээ хамгаалья – Өөрийгөө, гэр бүлээ, орчин тойрноо” уриан дор явагдаж байгаа тус аянд Нийгмийн даатгалын ерөнхий газар, Нийслэлийн нийгмийн даатгалын газрын албан хаагчид хэзээ ч хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй гэдгээ илэрхийлж нэгдлээ. Тус газрын Жендэрийн дэд зөвлөлийн дарга, Хяналт шалгалтын газрын дарга Д.Ганзориг албан хаагчдад жендэрийн ерөнхий ойлголт болон тус аяны талаар мэдээлэл өгч, аянд хүн бүрийг нэгдэхийг уриалсан юм.