“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН УРЬДЧИЛАН СЭРГИЙЛЭЛТИЙН ЦОГЦ АЯН–2026” ДАРХАН-УУЛ АЙМАГТ ЭХЭЛЛЭЭ

Нийгмийн даатгалын сангаас олгох Үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн хүрээнд иргэд, даатгуулагчдыг үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН УРЬДЧИЛАН СЭРГИЙЛЭЛТИЙН ЦОГЦ АЯН”-ы арга хэмжээ Дархан-Уул аймагт 2026 оны 05 дугаар сарын 22-23-ны өдрүүдэд зохион байгуулагдаж байна.

Арга хэмжээг Гэр бүл, хөдөлмөр, нийгмийн хамгааллын сайд Т.Аубакир нээж Нийгмийн даатгал, Хөдөлмөрийн аюулгүй байдал, эрүүл ахуйн хууль тогтоомжийн талаар төрөөс хэрэгжүүлж буй бодлого шийдвэрийг  танилцууллаа.

Энэхүү арга хэмжээнд НДЕГ-ын дарга Б.Батжаргал оролцож, Үйлдвэрлэлийн осол, мэргэжлээс шалтгаалсан өвчний даатгалын үйл ажиллагаа, хууль тогтоомжийн талаар Нийгмийн даатгалын ерөнхий газрын Бодлогын хэрэгжилт, төлөвлөлтийн газрын мэргэжилтэн Н.Соёл-Эрдэнэ мэдээлэл хүргэлээ.

Үндсэний хэмжээнд зохион байгуулагдаж буй энэхүү аяныг Гэр бүл, хөдөлмөр, нийгмийн хамгааллын яам, Хөдөлмөрийн аюулгүй байдал, эрүүл мэндийн үндэсний хороо, Хөдөлмөр, халамжийн үйлчилгээний ерөнхий газар, Хөдөлмөрийн аюулгүй байдал, эрүүл мэндийн төв хамтран зохион байгуулж байна.