“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН
СОЁЛЫН САЙН ТУРШЛАГА-2026 ФОРУМ”-Д ОРОЛЦЛОО
Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд заасан үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх арга хэмжээг хөдөлмөрийн аюулгүй байдал, эрүүл ахуйн мэргэжлийн сургалтын байгууллагууд болон нийгмийн түншлэгч байгууллагуудтай хамтран зохион байгуулж байна.
Уг арга хэмжээний хүрээнд МҮЭХ-ны дэргэдэх Монголын Хөдөлмөрийн Их Сургуулиас зохион байгуулж буй “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН СОЁЛЫН САЙН ТУРШЛАГА-2026 ФОРУМ”-д Нийгмийн даатгалын ерөнхий газрын дарга Б.Батжаргал оролцож ҮОМШӨ-нөөс урьдчилан сэргийлэх чиглэлээр нийгмийн даатгалын байгууллагаас баримтлаж буй бодлого шийдвэрийн талаар танилцуулж, оролцогчдод мэндчилгээ дэвшүүллээ.
Мөн НДЕГ-ын Бодлогын хэрэгжилт, төлөвлөлтийн газрын мэргэжилтэн Н.Соёл-Эрдэнэ Үйлдвэрлэлийн осол, мэргэжлээс шалтгаалсан өвчний даатгалын үйл ажиллагаа, хууль тогтоомжтой холбоотой мэдээлэл өгч, илтгэл тавьлаа.
Уг форумд Эрдэнэт үйлдвэр ТӨҮГ, УБТЗ ХНН зэрэг томоохон ажил олгогчийн төлөөлөл 14 байгууллагын Хөдөлмөрийн аюулгүй байдал, эрүүл ахуйн сайн туршлага, ололт, амжилтыг олон нийтэд сурталчиллаа.
