Сэтгэлийн 1000 бэлэг сайн үйлсийн аяныг зохион байгуулагчдын зүгээс Нийгмийн даатгалын ерөнхий газарт Талархал илгээлээ. Талархалд “Нийгмийн хариуцлагаа дээдлэн хүүхэд багачуудын сайн сайхны төлөө “Сэтгэлийн 1000 бэлэг” сайн үйлсийн аянд нэгдэн хөгжлийн бэрхшээлтэй хүүхдүүдийн хөгжлийн төлөө энэрлийн гараа сунган сэтгэл санааны болон эд материалын туслалцаа үзүүлж, чин сэтгэлээсээ хамтран ажилласан танай хамт олонд гүн талархал илэрхийлье” гэжээ.

Нийгмийн даатгалын байгууллага нь нийгмийн хариуцлагынхаа хүрээнд олон үйл ажиллагааг санаачлан хэрэгжүүлэхийн сацуу, сайн үйлсийн аян, бусдын төлөөх санал санаачлагыг дэмжин оролцдог билээ. Тухайлбал бид Батсүмбэрийн ахмадын асрамжийн газар, Манай гэр хүүхдийн асрамжийн газруудад сэтгэлийн өглөг илгээдэг бөгөөд сэтгүүлч Б.Жаргалмаа, галаас дүүгээ аварсан А.Цэрэнтогтох хүү гэх мэт бусдад чиглэсэн сайн санааны аянуудыг дэмжиж, сэтгэл санаа болон эд материалын тусламж үзүүлдэг юм.