Танд туслах хэрэглэгчийн лавлах

7777-1289
НүүрМэдээСонгон шалгаруулалтын урилга

Сонгон шалгаруулалтын урилга

Огноо:  2017 оны 11 дүгээр сарын 03-ний өдөр 

Сонгон шалгаруулалтын нэр: Шинжээч эмч болон төрөлжсөн мэргэжлийн эмчийн сонгон шалгаруулалт

Сонгон шалгаруулалтын дугаар: СШ-01

Эрүүл мэнд, нийгмийн даатгалын ерөнхий газар нь Эмнэлэг хөдөлмөрийн магадлах төв комиссын Дотор, Гэмтэл, Чих хамар хоолойн мэргэжлийн шинжээч эмчээр болон Мэргэжлээс шалтгаалсан өвчний салбар комиссын Дотор, Мэдрэл, Мэс заслын төрөлжсөн мэргэжлийн эмчээр ажиллах сонирхолтой мэргэжилтнүүдийг сонгон шалгаруулалтад оролцохыг урьж байна. 

Шинжээч эмч нь иргэн (даатгуулагч)-ий хөдөлмөрийн чадвар алдалтын хувь, хугацаа тогтоох, сунгах, цуцлах үйл ажиллагаанд магадлал, шинжилгээ, үнэлгээ, эрдэм шинжилгээ судалгаа хийх, төрөлжсөн мэргэжлийн эмч нь тухайн мэргэжлээр иргэн (даатгуулагч)-ийн хөдөлмөрийн чадвараа бүрэн болон хагас алдсан шалтгаан, түүний хувь, хэмжээ, хугацааг тогтоох, сунгах, цуцлах, хөдөлмөрийн нөхцөлийг өөрчлөх, ажлын цагийг богиносгох асуудлаар шийдвэр гаргах үйл ажиллагаанд оролцох үндсэн чиг үүрэгтэй ажиллана.

Сонгон шалгаруулалтад оролцох эмч нь дараах шаардлагыг хангасан байна. Үүнд:

  • Эмчлэх эрхийн лицензтэй;
  • Эмчийн ахлах зэргээс дээш мэргэжлийн зэрэгтэй;
  • Анагаах ухааны магистраас дээш боловсролын зэрэгтэй;
  • Багаар ажиллах, үнэлгээ, дүгнэлт өгөх чадвартай;
  • Ёс зүйн зөрчилгүй, гэмт хэрэгт холбогдож байгаагүй, ял шийтгэлгүй;
  • Нийтийн албанд нийтийн болон хувийн ашиг сонирхлыг зохицуулах, ашиг   сонирхлын зөрчлөөс урьдчилан сэргийлэх тухай хуулийн шаардлага хангасан;
  • Эрүүл мэндийн байгууллагын нэгж хэсгийг удирдаж байсан туршлага бүхий (шинжээч эмчид хамаарна);

Бүрдүүлэх материал:

Нэр дэвшүүлсэн байгууллагын санал, ажил байдлын тодорхойлолт (Эрүүл мэндийн яамны дэргэдэх мэргэжлийн чиглэлээр зөвлөх чиг үүрэг бүхий салбар зөвлөл, эрүүл мэндийн чиглэлээр үйл ажиллагаа явуулдаг төрийн болон төрийн бус байгууллага, их, дээд сургууль, мэргэжлийн холбоо, нийгэмлэгийн удирдлагын зөвлөлийн хурлын протоколын хамт);

  • Нэр дэвшигчийн өөрийн хүсэлт;
  • Анкет (төрийн албан хаагчийн 1-р маягтаар);
  • Иргэний үнэмлэхийн хуулбар;
  • Боловсролын диплом, мэргэжлийн болон үйл ажиллагаатай холбоотой материалын хуулбар;
  • 3×4 хэмжээтэй 2 хувь цээж зураг;
  • Эмнэлэг хөдөлмөрийн магадлалын шинжээч эмч, төрөлжсөн мэргэжлийн эмчид тавигдах шаардлагыг хангаагүй болон бүрдүүлэх материалыг дутуу ирүүлсэн мэргэжилтнийг сонгон шалгаруулалтад бүртгэхгүй.

Хугацаа:

Нэр дэвшигчийн материалыг 2017 оны 12 дугаар сарын 04-ны өдрийн 09 цаг 00 минутаас өмнө доорхи хаягаар авна.

Жич: Сонгон шалгаруулалтын талаарх дэлгэрэнгүй мэдээллийг  Эрүүл мэнд, нийгмийн даатгалын ерөнхий газрын дэргэдэх Эмнэлэг хөдөлмөрийн магадлах төв комисс, 603 тоот өрөө, Утас: 11-329397 хаягаар авна уу.

 

 ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР