Нийгмийн даатгалын ерөнхий газар, Олон улсын хөдөлмөрийн байгууллага хоорондын хамтын ажиллагааны хүрээнд 2024 оны 1 дүгээр сарын 29-ний өдөр уулзалт зохион байгууллаа.

Тус уулзалтад НДЕГ-ын дарга Л.Мөнхзул, Бодлого хэрэгжилт, судалгааны газрын дарга Ц.Ганцэцэг, Сургалт, олон нийт, хамтын ажиллагааны газрын дарга Д.Цэцэгбадам, Гадаад хамтын ажиллагаа хариуцсан ахлах мэргэжилтэн Т.Цэцэн, Олон улсын хөдөлмөрийн байгууллагын Төслийн зохицуулагч Д.Мөнхтогтох, Төслийн туслах ажилтан А.Тэргэл нар оролцлоо. Уулзалтын үеэр малчин, албан бус эдийн засагт ажиллаж байгаа иргэдийн нийгмийн даатгалын хамралтыг сайжруулах чиглэлээр хамтран ажиллах, сургалтад албан хаагчдыг хамруулах, цаашид урт хугацаагаар хамтран ажиллах чиглэлээр харилцан ярилцаж санал солилцов.