ОЛОН НИЙТИЙН ХЯНАЛТЫН ЗӨВЛӨЛИЙН ДАРГА Ц.ДАШДОНДОГИЙГ ХҮЛЭЭН АВЧ, ХҮНДЭТГЭЛ ҮЗҮҮЛЛЭЭ

Монгол Улсын Ерөнхийлөгчийн 2026 оны 04 дүгээр сарын 27-ны өдрийн 64 дүгээр зарлигаар “Монгол Улсын Гавьяат эдийн засагч” цолоор шагнагдсан Нийгмийн даатгалын ерөнхий газрын ахмад ажилтан, Нийгмийн даатгалын үндэсний зөвлөлийн Олон нийтийн хяналтын зөвлөлийн дарга, доктор Цогоогийн Дашдондогийг өнөөдөр Нийгмийн даатгалын ерөнхий газрын удирдлагууд хүлээн авч, хүндэтгэл үзүүллээ.

Монгол Улсын Гавьяат эдийн засагч Ц. Дашдондог нь нийгмийн хамгаалал, нийгмийн даатгалын салбарт 40 гаран жил ажилласан бөгөөд Нийгмийн даатгалын ерөнхий газарт Санхүү төлөвлөлтийн  хэлтэс, Орлого санхүүжилтийн хэлтэс, Бодлого зохицуулалтын  хэлтэс, Нийгмийн даатгалын бодлогын хэрэгжилтийн газарт ахлах мэргэжилтэн, хэлтэс, газрын даргаар 17 жил ажилласан байна. Тэрээр одоо ч Нийгмийн даатгалын үндэсний зөвлөлийн Олон нийтийн хяналтын зөвлөлийн дарга, Мэргэжлийн хорооны гишүүнээр ажиллаж, нийгмийн даатгалын салбарт өөрийн хувь нэмрийг оруулсаар байна.

Монгол улсын гавьяат эдийн засагч цолоор шагнагдсан Танд эрүүл энх, аз жаргал, сайн сайхныг хүсье.