Нийгмийн даатгалын байгууллага нь 2026 оныг “Ёс зүй, сахилга, хариуцлага, хяналт, бүтээмжийг дээшлүүлэх жил” болгон зарлаж, үйл ажиллагаандаа ил тод, нээлттэй, шударга байдлыг эрхэмлэн ажиллаж байна. Энэ хүрээнд иргэд, ажил олгогч, даатгуулагчдад үзүүлж буй үйлчилгээний чанар, хүртээмжийг сайжруулах, аливаа авлига, ашиг сонирхлын зөрчлөөс ангид байх орчныг бүрдүүлэхэд онцгой анхаарч байна.

Иймд нийгмийн даатгалын үйлчилгээ авах явцад аливаа хэлбэрийн авлига, хүнд суртал, дарамт шахалт, ашиг сонирхлын зөрчил бүхий нөхцөл байдал үүссэн тохиолдолд иргэд, ажил олгогч, даатгуулагч Та бүхэн ажлын өдрүүд буюу ДАВАА- БААСАН гарагуудад 08:30-17:30 цагийн хооронд Нийгмийн даатгалын байгууллагын 11-31-11-31 НЭЭЛТТЭЙ утсанд хандаж холбогдох мэдээллийг бидэнд шуурхай ирүүлэхийг уриалж байна.

Таны өгсөн мэдээлэл нь үйлчилгээний ил тод байдлыг нэмэгдүүлэх, зөрчил дутагдлыг таслан зогсоох, цаашид давтагдахаас урьдчилан сэргийлэх чухал ач холбогдолтой юм.

Нийгмийн даатгалын байгууллага нь иргэдийн мэдээллийн нууцлалыг чанд хадгалж, хууль, журмын дагуу шалган шийдвэрлэх болно.