НИЙГМИЙН ДААТГАЛЫН УЛСЫН БАЙЦААГЧИЙН ШАЛГАЛТЫН СОРИЛЫН САНГ ШИНЭЧЛЭН БОЛОВСРУУЛАХ АЖЛЫН ХЭСЭГ ХУРАЛДЛАА
Нийгмийн даатгалын ерөнхий хуулийн дагуу тодорхой шалгуур хангасан албан хаагчид улсын байцаагчийн шалгалт өгөх эрх авч, шалгалтад тэнцсэн тохиолдолд мэргэжлийн зэрэг болон цалин хөлсний нэмэгдэл авах боломж бүрддэг.
Энэхүү шалгалтын бэлтгэлийг хангах хүрээнд Нийгмийн даатгалын ерөнхий газрын даргын 2026 оны 08 дугаар сарын 20-ны өдрийн А/210 дугаар тушаалаар “Сорилын сан шинэчлэн боловсруулах, хянах ажлын хэсэг”-ийг байгуулсан бөгөөд тус ажлын хэсэг 2026 оны 08 дугаар сарын 21-ний өдөр хуралдлаа.
Хуралдаанаар шинэчлэн батлагдсан Нийгмийн даатгалын хууль болон холбогдох хууль тогтоомжид нийцүүлэн сорилын санг шинэчлэх, агуулга болон хамрах хүрээг боловсронгуй болгох асуудлаар санал солилцлоо.
Мөн ажлын хэсгийн цаашид хэрэгжүүлэх ажил, чиг үүргийг тодорхойлж, сорилын санг холбогдох хууль тогтоомж, дүрэм, журмын өөрчлөлттэй уялдуулан шинэчлэн боловсруулах ажлыг зохион байгуулахаар боллоо.
