НИЙГМИЙН ДААТГАЛЫН САЛБАРТ ШИНЭЭР ТОМИЛОГДСОН АЛБАН ХААГЧДЫН ДУНД СУРГАЛТ ЗОХИОН БАЙГУУЛЛАА
Нийгмийн даатгалын байгууллага төрийн албан хаагчдын ёс зүйн мэдлэг, ёс зүйн зарчим, үнэт зүйлсийг үйл ажиллагаандаа хэрэгжүүлэх, төрийн үйлчилгээг шударга, ил тод иргэдийн итгэлийг хүлээх төрийн үйлчилгээг үзүүлэх зорилт тавин ажиллаж байна.
Энэ хүрээнд Нийгмийн даатгалын ерөнхий газрын Ёс зүйн дэд хорооны “2026 оны сургалтын төлөвлөгөө”-ний дагуу 2026 оны 06 дугаар сарын 22-ны өдөр Нийгмийн даатгалын салбарт шинээр томилогдсон албан хаагчдад “Нийгмийн даатгалын салбарын шинэ албан хаагчийн сургалт”-ыг зохион байгууллаа.
Сургалтыг Захиргаа, удирдлагын газрын Хуулийн хэлтсийн ахлах мэргэжилтэн М.Гэрэлмаа явуулж албан хаагчдад “Ёс зүйг дээдэлсэн байгууллагын соёлыг төлөвшүүлэхэд төрийн албан хаагчийн оролцоо”, “Төрийн албан хаагчийн харилцаа, хандлага” , “Төрийн албан хаагчийн хуулийн хэрэглээ” сэдвийн хүрээнд явуулсан юм.
Сургалтад 21 аймаг, 9 дүүргийн Нийгмийн даатгалын газарт шинээр томилогдон ажиллаж байгаа нийт 112 албан хаагч оролцлоо.
