Нийгмийн даатгалын ерөнхий газраас 2020 оны 1 дүгээр сарын 06-ны өдөр Нийгмийн даатгалын хуульд орсон нэмэлт өөрчлөлт, түүнийг хэрэгжүүлэхэд анхаарах асуудлуудын талаар зөвлөмж, чиглэл хүргэх зорилгоор аймаг, дүүргийн нийгмийн даатгалын хэлтсүүдтэй телефон хурлыг зохион байгууллаа.
Телефон хуралд Нийгмийн даатгалын ерөнхий газрын дэд дарга Г.Саран, Бодлогын хэрэгжилт судалгааны газрын дарга Ц.Ганцэцэг, Бодлогын хэрэгжилт судалгааны газрын ахлах мэргэжилтэн С.Лхагвадорж, Хяналт шалгалтын газрын ахлах мэргэжилтэн Ц.Наранцэцэг болон хяналт шалгалтын газрын мэргэжилтнүүд, Нийгмийн даатгалын ерөнхий газрын зөвлөх Ё.Пүрэвцэрэн нар оролцлоо.
