НИЙГМИЙН ДААТГАЛЫН БАЙГУУЛЛАГЫН АЛБАН ХААГЧИД ШАГНАГДЛАА.
Тулгар төрийн 2235 жил, Их монгол улсын 820 жил, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 104 жилийн ой тохиолдуулан Монгол Улсын Ерөнхийлөгчийн зарлигаар болон Гэр бүл, хөдөлмөр, нийгмийн хамгааллын сайдын тушаалаар ажил үйлсээрээ манлайлж, нийгмийн даатгалын салбарт олон жил идэвх зүтгэл, үр бүтээлтэй ажилласан албан хаагчдыг төрийн дээд одон, медаль, салбарын шагналаар шагнагдсныг Гэр бүл, хөдөлмөр, нийгмийн хамгааллын сайд Т.Аубакир гардуулан өгч, баяр хүргэлээ.
Төрийн дээд шагнал Алтангадас одонгоор Нийгмийн даатгалын ерөнхий газрын Ахмад настан Ц.Дариймаа, “Нийгмийн хамгааллын тэргүүний ажилтан”-аар Нийгмийн даатгалын ерөнхий газрын Тэтгэврийн даатгалын бодлого, нийгмийн хамгааллын хэлэлцээрийн хэрэгжилт хариуцсан мэргэжилтэн Г.Бямбажаргал, Нийгмийн даатгалын хамралт, сайн дурын даатгал хариуцсан мэргэжилтэн Б.Бямбадэлгэр нарын 7 албан хаагч, Гэр бүл, хөдөлмөр, нийгмийн хамгааллын яамны “Жуух бичиг” –ээр нийслэлийн дүүргийн албан хаагчдыг шагналаа.
Мөн энэ үеэр Монгол улсын Ерөнхий сайдын 2026 оны 05 дугаар сарын 19-ний өдрийн 118 дугаар захирамжаар Нийгмийн даатгалын ерөнхий газрын Захиргаа, удирдлагын газрын дарга Б.Даваахүү, Үйлчилгээ хөгжүүлэлт, олон нийттэй харилцах газрын дарга Б.Батсүх нарт Төрийн захиргааны эрхэлсэн түшмэлийн албан тушаалын зэрэг дэв олгох батламжийг гардуулсан юм.
Хөдөлмөр зүтгэлээ үнэлүүлэн шагнал хүртсэн нийт албан хаагчиддаа баяр хүргэж, ажил үйлсэд нь амжилт хүсье.
Та бүхэн сайхан наадаарай
