Гэр бүл, хөдөлмөр, нийгмийн хамгааллын яамнаас боловсруулж буй “Нийгмийн даатгалын багц хуулийн нэмэлт, өөрчлөлт” болон “Хувийн нэмэлт тэтгэврийн тухай хуулийн төсөл”-ийн хэлэлцүүлэг Дундговь аймагт зохион байгуулагдлаа. Хэлэлцүүлэгт НДЕГ-ын дарга Б.Батжаргал, Дундговь аймгийн Нийгмийн даатгалын газрын дарга А.Ганцог болон тус газрын албан хаагчид оролцов.

Хэлэлцүүлгийн үеэр Тэтгэврийн тогтолцооны 6 гол шинэчлэл болон 11 бүлэг, 49 зүйлтэй Хувийн нэмэлт тэтгэврийн тухай хуулийн төслийг нарийвчлан танилцууллаа.

Шинэчлэлийн хүрээнд тэтгэврийн даатгалын тогтолцоог сайжруулах, залуу үеийнхний ирээдүйн санхүүгийн баталгааг урт хугацаанд найдвартай бүрдүүлэх зохицуулалтуудыг тусгасан. Хэлэлцүүлгийн үеэр албан хаагчдаас гаргасан санал, хүсэлтийг хуулийн төсөлд тусган ажиллах юм.