Нийгмийн даатгалын багц хуулийн шинэчилсэн найруулгыг танилцуулах ажлын хүрээнд НДЕГ-аас 2024 оны 01 сарын 09-нөөс 01 сарын 26-ны өдрүүдэд МҮЭ-ийн холбооны гишүүн байгууллага болох Монголын орон сууц, нийтийн аж ахуйн үйлчилгээний байгууллагууд, Монголын мэргэшсэн нягтлан бодогчдын институтын гишүүд, ШУТИС-ийн багш ажилтнууд, Боловсролын ерөнхий газар, Монгол банкнаас санаачлан зохион байгуулсан “Иргэдийн санхүүгийн боловсролыг дээшлүүлэх нь” уулзалтад оролцогчид зэрэг 10 гаруй байгууллагын 627 албан хаагчийг хамруулан сургалт зохион байгууллаа.

Сургалтад  НДЕГ-ын Бодлогын хэрэгжилт судалгааны газрын дарга Ц.Ганцэцэг, мэргэжилтэн Б.Баянжаргал, Санхүү бүртгэлийн газрын дарга  Б.Даваахүү, сургагч багш Ч.Сансарчимэг, СБД-ийн НДГ-ын үйлчилгээний тасгийн дарга, сургагч багш Ч.Эрдэнэчимэг нар “Нийгмийн даатгалын багц хуулийн шинэчлэл”, “НД-ын ерөнхий хуульд тусгагдсан шимтгэл төлөх тайлан гаргахтай холбоотой асуудлууд“ сэдвээр мэдээлэл өгч, оролцогчдын сонирхсон асуултад хариулт өглөө.