НИЙГМИЙН ДААТГАЛЫН БАГЦ ХУУЛИЙН НЭМЭЛТ, ӨӨРЧЛӨЛТИЙГ ХЭРЭГЖҮҮЛЭХТЭЙ ХОЛБООТОЙ АСУУДЛААР УУЛЗАЛТ ЗОХИОН БАЙГУУЛЛАА
Улсын Их Хурлын чуулганы 2026 оны 07 дугаар сарын 02-ны өдрийн нэгдсэн хуралдаанаар хэлэлцэн баталсан Нийгмийн даатгалын ерөнхий хуульд нэмэлт, өөрчлөлт оруулах тухай, Нийгмийн даатгалын сангаас олгох тэтгэврийн тухай хуульд нэмэлт, өөрчлөлт оруулах тухай, Нийгмийн даатгалын сангаас олгох тэтгэмжийн тухай хуульд нэмэлт, өөрчлөлт оруулах тухай, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуульд нэмэлт, өөрчлөлт оруулах тухай хуулиудыг 2027 оны 01 дүгээр сарын 01-ний өдрөөс хэрэгжүүлнэ.
Нийгмийн даатгалын ерөнхий газрын холбогдох газар, хэлтсийн дарга, мэргэжилтнүүд Нийгмийн даатгалын сангаас олгох тэтгэврийн тухай хуульд нэмэлт, өөрчлөлт оруулах тухай хуульд заасан нийгмийн даатгалын сангаас болон цэргийн тэтгэвэр авч байгаа эрэгтэй 60, эмэгтэй 55 насанд хүрсэн тэтгэвэр авагчдад улсын төсвөөс олгох суурь тэтгэвэр тогтоох, олгохтой холбоотой асуудлаар нийслэлийн Баянгол, Баянзүрх, Сонгинохайрхан, Сүхбаатар, Хан-Уул, Чингэлтэй дүүргийн Тэтгэвэр, тэтгэмжийн хэлтсийн дарга нартай харилцан санал солилцох уулзалт зохион байгуулав.
Уулзалтаар Нийгмийн даатгалын багц хуулийн нэмэлт, өөрчлөлттэй холбоотой боловсруулж байгаа дүрэм, журам, заавар, аргачлал, боловсруулалтын явц, хуулиудын нэмэлт, өөрчлөлтийг программын түвшинд хэрхэн шийдвэрлэх, хэрэгжүүлэх, суурь тэтгэврийг тогтоон, олгоход анхаарах асуудлаар санал солилцлоо.
Түүнчлэн Нийгмийн даатгалын хууль тогтоомжид заасан тэтгэвэр, тэтгэмж, төлбөр, зардал авах нөхцөлийг хангасан даатгуулагчаас хууль тогтоомжид зааснаас бусад нэмэлт баримт бичгийг шаардахгүй байх, үйлчилгээг түргэн шуурхай чирэгдэлгүй, хүнд сурталгүй, ёс зүйтэй үзүүлэхэд анхаарч ажиллах талаар чиглэл, зөвлөмж өглөө.
