ИРГЭД, ДААТГУУЛАГЧДАД НИЙГМИЙН ДААТГАЛЫН ҮЙЛЧИЛГЭЭГ ШУДАРГА, ИЛ ТОД, ЁС ЗҮЙН ЗӨРЧИЛГҮЙ ХҮРГЭХЭД АНХААРЧ АЖИЛЛАНА.

Нийгмийн даатгалын байгууллага төрийн албан хаагчдын ёс зүйн зарчим, үнэт зүйлсийг үйл ажиллагаандаа хэрэгжүүлэх, төрийн үйлчилгээг шударга, ил тод иргэдийн итгэлийг хүлээхээр үзүүлэх зорилт тавин ажиллаж байна.

Энэ хүрээнд Нийгмийн даатгалын ерөнхий газрын Ёс зүйн дэд хорооноос  2026 онд  “Төрийн албан хаагчийн ёс зүйн, хууль тогтоомжийн түүний хэрэглээ, төрийн албан хаагчийг чадавхжуулах нь” сэдэвт сургалтыг үе шаттайгаар зохион байгуулахаар сургалтын төлөвлөгөөтөлөвлөж, 2026 оны 04 дүгээр сарын 21-ний өдөр Нийгмийн даатгалын ерөнхий газар болон аймаг, дүүргийн Нийгмийн даатгалын газрын Ёс зүйн дэд хорооны гишүүдэд эхний сургалтыг зохион байгууллаа.

Энэ удаагийн сургалтаар Ес зүйн дэд хорооны гишүүдэд Төрийн албан хаагчийн ёс зүйн тухай хууль, Ёс зүйн дэд хорооны үйл ажиллагаа, үүрэг, Ёс зүйн зөрчлийг хянан шийдвэрлэхэд гарч буй алдаа, зөрчил, соён гэгээрүүлэх үйл ажиллагааны талаарх  мэдлэг, мэдээллийг өглөө. Сургалт танхим, цахим хосолсон хэлбэрээр явагдаж, 100 гаруй албан хаагчид хамрагдлаа.