Танд туслах хэрэглэгчийн лавлах

7777-1289
НүүрМэдээДаатгуулагчийг урьдчилан сэргийлэх, эрт илрүүлэх 3 төрлийн багц шинжилгээнд хамруулна

Даатгуулагчийг урьдчилан сэргийлэх, эрт илрүүлэх 3 төрлийн багц шинжилгээнд хамруулна

Даатгуулагчийг эрүүл мэндийн улмаас үүсч болох санхүүгийн эрсдлээс хамгаалах зорилгоор 40, 45, 50, 55, 60, 65 насны бүх даатгуулагчийг 2017 онд урьдчилан сэргийлэх, эрт илрүүлэх үзлэг, оношлогоонд хамруулахаар Нийгмийн даатгалын үндэсний зөвлөл шийдвэрлэсэн.  

Урьдчилан сэргийлэх үзлэг оношилгооны тухайд 50 мянган төгрөгийн гурван төрлийн багц шинжилгээнээс 1 багцыг даатгуулагч өөрөө сонгон оношилгоо, шинжилгээнд хамрагдах юм.

Нэгдүгээр багц нь даатгуулагчийн элэг, ходоод, бөөрний өвчлөл, чихрийн шижин, судасны хатуурал, ходоодны үрэвслийн багц, хоёрдугаар багц нь 1-р багцын шинжилгээн дээр нэмэгдээд үе мөч булчингийн өвчлөлийг, гуравдугаар багц нь элэг, ходоод, бөөрний өвчлөл, чихрийн шижин, судасны хатуурлаас гадна ходоод, умайн хүзүү, түрүү булчирхайн хавдрыг илрүүлэхэд чиглэгдсэн болно.

Төрийн өмчийн эмнэлгүүдийн ачааллыг бууруулах, даатгуулагчдад хөнгөн шуурхай, чанартай тусламж, үйлчилгээг үзүүлэх үүднээс дээрх 3 төрлийн багцын шинжилгээг үзүүлэх хувийн эмнэлгүүд, лабораториудын дунд нээлттэй сонгон шалгаруулалт  зарлаад байна.