ГАЗРЫН ДАРГЫН ЗӨВЛӨЛИЙН ӨРГӨТГӨСӨН ХУРАЛ БОЛЛОО

Нийгмийн даатгалын ерөнхий газрын даргын зөвлөлийн өргөтгөсөн  хурал 2026 оны 03 дугаар сарын 25-ны өдөр боллоо.

Хурлаар Хан-уул дүүргийн Нийгмийн даатгалын газарт хийгдсэн төлөвлөгөөт хяналт шалгалтын дүнгийн танилцуулга, Капитал банк ХХК дахь Банкны эрх хүлээн авагч болон Чингис хаан банкнаас нийгмийн даатгалын санд төлөх өр төлбөрт өгөхөөр санал болгосон хөрөнгийн танилцуулгыг сонсож хэлэлцлээ.

Хан-Уул дүүргийн Нийгмийн даатгалын газарт хяналт шалгалтаар илэрсэн зөрчлийг арилгах, хуулийн хүрээнд холбогдох арга хэмжээг авах, цаашид зөрчил гаргахгүй байх, сахилга хариуцлагыг сайжруулахыг Газрын даргын зөвлөлөөс үүрэг болголоо.

Мөн сангийн өр төлбөрт тооцон авсан хөрөнгийг нээлттэй дуудлага худалдаагаар худалдах, хөрөнгийн мэдээллийг олон нийтэд нээлттэй танилцуулах, худалдан борлуулах ажлыг шуурхай зохион байгуулж ажиллахыг анхаарууллаа.