“ХҮН-РОБОТ-ХИЙМЭЛ ОЮУН УХААНЫ ХАМТЫН ЗОХИЦОЛ” WORKSHOP АМЖИЛТТАЙ ЗОХИОН БАЙГУУЛАГДЛАА

Техник технологийн эрин зуунд ажлын бүтээмж нэмэгдүүлэхэд робот ажилтнаар ажил гүйцэтгүүлэх, автоматжуулах чиглэлээр “Дижитал воркс” ХХК-тай хамтран албан хаагчдын дунд Workshop арга хэмжээг зохион байгууллаа.

Арга хэмжээний хүрээнд хиймэл оюун ухаан, робот, автоматжуулалтын ойлголт, ашиглалтын талаар бодит жишээн дээр тулгуурласан сургалтыг тус  компанийн гүйцэтгэх захирал Б.Нямцэрэн, робот ажилтан ажиллуулах процессын зураг гаргах дадлага ажлыг төслийн захирал Н.Ачитсайхан нар явуулсан юм.

Нийгмийн даатгалын ерөнхий газрын алба хаагчдаас гадна дүүрэг, аймгийн Нийгмийн даатгалын газрын ажилтнуудаас ирүүлсэн нийгмийн даатгалын үйл ажиллагаа, үйлчилгээг автоматжуулах процессын зураглал дээр нэг бүрчлэн үнэлгээ хийж, сайжруулалтын зөвлөгөө өгснөөр шинэ үеийн ажилтанд байх ур чадварыг нэмэгдүүлсэн ач холбогдолтой арга хэмжээ боллоо.