СУРГАЛТ ЗОХИОН БАЙГУУЛЛАА
Засгийн газрын 2020 оны 96 дугаар тогтоолоор 2025 оноос төрийн албан хэргийг кирилл болон үндэсний бичгээр хөтлөн явуулахаар баталсан. Энэ хүрээнд Нийгмийн даатгалын ерөнхий газрын Захиргаа, удирдлагын газрын сургалтын хэлтэс, Архивын ерөнхий газартай хамтран “Үндэсний бичгээр баримт бичиг боловсруулах арга зүй” сургалтыг 2025.03.29-ний өдөр зохион байгууллаа.
Сургалтыг Архивын ерөнхий газрын Мэргэжил, арга зүйн удирдлагын газрын Албан хэрэг хөтлөлтийн зохион байгуулалт стандартын хэрэгжилт хариуцсан ахлах мэргэжилтэн Ц.Золжаргал багш явуулж “Монгол бичгээр үйлдэх баримт бичгийн хэвлэмэл хуудас түүний бүрдэлд тавих үндсэн шаардлага”-ын талаар зөвлөгөө, мэдээллийг хүргэлээ.
Сургалтад Нийгмийн даатгалын ерөнхий газрын нийт албан хаагчид танхимаар, Аймаг, дүүргийн Нийгмийн даатгалын газрын холбогдох албан хаагчид цахимаар хамрагдлаа. Амралтын өдрөө цаг гарган нийгмийн даатгалын албан хаагчдад зөвлөгөө мэдээлэл хүргэж ажилласан Архивын ерөнхий газрын мэргэжил, арга зүйн удирдлагын газрын Албан хэрэг хөтлөлтийн зохион байгуулалт стандартын хэрэгжилт хариуцсан ахлах мэргэжилтэн Ц.Золжаргал танд баярлалаа.
