НИЙГМИЙН ДААТГАЛЫН ЕРӨНХИЙ ГАЗРААС ЭЭЛЖИТ СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газрын Захиргаа, удирдлагын газрын сургалтын хэлтсээс 2025.04.02-ны өдөр Монголын аутизмын холбоо НҮТББ, Аутизм Монгол Анд НҮТББ, АНА Монгол төв, Тэмүүлэл Аутизм төв хамтран Аутизмыг таниулах дэлхийн өдөр буюу “Autizm Fair” мэдээллийн яармагт “Нийгмийн даатгалын багц хууль” сэдэвт сургалтыг зохион байгууллаа.

Тус сургалтыг Захиргаа, удирдлагын газрын сургалтын хэлтсийн дарга С.Ундармаа, мэргэжилтэн Б.Цэрэнчимэд, Ч.Ган-эрдэнэ явуулж, Эрүүл мэндийн магадлалын төв зөвлөлийн магадлагч эмч А.Амарбуян, Хан-Уул дүүргийн Нийгмийн даатгалын газрын хуулийн мэргэжилтэн Н.Ганцогт, сургалт сурталчилгаа хариуцсан мэргэжилтэн Ц.Батням нар “Нийгмийн даатгалын хууль, тогтоомж”-ийн талаар зөвлөгөө, мэдээллийг хүргэж, эцэг эхчүүдийн сонирхсон асуултад хариулт өгч ажиллалаа.

2024 оны эцсийн байдлаар Эмнэлгийн хяналтад байдаг, байнгын асаргаа шаардлагатай 18 хүртэлх насны хөгжлийн бэрхшээлтэй хүүхдээ асарч ажил хөдөлмөр эрхлээгүй 3453 хүний тэтгэврийн даатгалын шимтгэл 10 орчим тэрбум төгрөгийг улсын төсвөөс төлсөн байна.

Аутизмыг таниулах дэлхийн өдөр буюу “Autizm Fair” мэдээллийн яармагт нийт 1500 гаруй иргэн хамрагдсан байна. Тус үйл ажиллагаанд хамрагдсан иргэд, даатгуулагч нартаа талархал илэрхийлье.
Нийгмийн даатгалын хууль, тогтоомжийн талаар сургалт авах хүсэлтэй Төрийн болон хувийн хэвшлийн аж ахуйн нэгж байгууллагууд, Та бүхэн доорх линкээр орж сургалтын захиалгаа өгнө үү . https://forms.gle/2JsFTHivECX1VKUo7