СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Нийгмийн даатгалын багц хуулийн сургалтыг зохион байгуулж байна.

Энэ хүрээнд  Цагдаагийн ерөнхий газрын Мэдээлэл, шуурхай удирдлагын төвийн албан хаагчдад  2025 оны 10 дугаар сарын  27-ны өдөр “Нийгмийн даатгалын багц хууль”, “Цэргийн албан хаагчийн тэтгэвэр,тэтгэмжийн тухай хууль” -ийн талаар сургалт  зохион байгуулав.

Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай, Цэргийн албан хаагчийн тэтгэвэр, тэтгэмжийн тухай хуулиудыг танилцуулан, албан хаагчдын тавьсан  асуултад хариулт өгч ажиллалаа.

Нийгмийн даатгалын хууль болон холбогдох тогтоомжийг олон нийтэд сурталчлан таниулахад хамтран ажилласан “Цагдаагийн ерөнхий газрын Мэдээлэл, шуурхай удирдлагын төвийн  хамт олонд талархал илэрхийлье.