Танд туслах хэрэглэгчийн лавлах

7777-1289
НүүрМэдээБАЯНГОЛ ДҮҮРЭГТ АЖИЛЛАЛАА

БАЯНГОЛ ДҮҮРЭГТ АЖИЛЛАЛАА

БАЯНГОЛ ДҮҮРЭГТ АЖИЛЛАЛАА

Нийгмийн даатгалын ерөнхий газрын даргын баталсан удирдамжийн дагуу Шимтгэл хураалт, Удирдлага арга зүйн газрын дарга Б.Батсүхээр ахлуулсан ажлын хэсэг Баянгол дүүргийн нийгмийн даатгалын газарт ажиллалаа.

Даатгуулагчдаас Нийгмийн даатгалын байгууллагад хандан ажил олгогчдоос төлөх үүрэгтэй нийгмийн даатгалын шимтгэлийг цаг хугацаанд нь төлүүлж байх, үүссэн өр авлагыг барагдуулах асуудлаар гомдол хүсэлтүүд ирдэг. Ажил олгогчид шимтгэлээ хуулийн хугацаандаа төлөөгүйгээс даатгуулагчдын шимтгэл төлж ажилласан хугацаа нь тооцогдохгүй болох, шимтгэл төлөлтийг цалин, орлогын шалгуур үзүүлэлт болгон зээл олгодог банк, бусад байгууллага, гадаад улсаас суугаа элчин сайдын яамны визийн шалгуурт тэнцэхгүй болох зэрэг эрсдэл үүссээр байна.

Иймд ажлын хэсэг дүүргүүдэд ажиллах хугацаандаа Нийгмийн даатгалын шимтгэл төлөгч аж ахуйн нэгжүүдийн удирдлагад нийгмийн даатгалын ерөнхий хуульд заасан эрх үүргийг танилцуулах, даатгуулагчдын эрх ашгийг хамгаалах, тэдэнд учирч болох эрсдэлийн талаар ойлголт өгч ажиллаж байна.