НДЕГ-ЫН ДАРГЫН ЗӨВЛӨЛ ХУРАЛДЛАА
Нийгмийн даатгалын ерөнхий газрын даргын зөвлөлийн хурал өнөөдөр /2025.03.29/ боллоо. Хурлаар Нийгмийн даатгалын ерөнхий газар болон нэгжийн ирээдүйн шилжилтийн бүтэц, хуулийн нэмэлт өөрчлөлтийн талаар Бодлогын хэрэгжилт, төлөвлөлтийн газрын дарга Ц.Ганцэцэг, тэтгэврийн шинэчлэлийн PR төлөвлөгөөний талаар Үйлчилгээ хөгжүүлэлт, олон нийттэй харилцах газрын дарга Д.Цэцэгбадам, нийгмийн даатгалын системийн хөгжүүлэлтийн талаар Мэдээллийн технологийн төвийн мэргэжилтэн Н.Лхагважав, нийгмийн даатгалын үйлчилгээний цахимжилтын талаар Үйлчилгээ хөгжүүлэлтийн хэлтсийн дарга М.Гэрэлмаа нар мэдээлэл хүргэлээ.
Нийгмийн даатгалын байгууллага иргэд, даатгуулагч, ажил олгогчдод 34 төрлийн үйлчилгээг үзүүлдгээс 24 үйлчилгээг цахимжуулаад байгаа бөгөөд цаашид бусад үйлчилгээг цахим хэлбэрт шилжүүлэх боломжийг судалж, боломжтой үйлчилгээг цахимжуулах ажлыг эрчимжүүлэхийг Нийгмийн даатгалын ерөнхий газрын дарга үүрэг болголоо.
