ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА
Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөл нь Эрүүл мэндийн хөгжлийн төвтэй 2025 оны 04 дүгээр сарын 01-ний өдөр “Хамтын ажиллагааны санамж бичиг” байгууллаа.
Энэхүү арга хэмжээнд Эрүүл мэндийн магадлалын төв зөвлөлийн дарга Т.Лхагвадорж, Эрүүл мэндийн хөгжлийн төвийн захирал Б.Нарантуяа болон холбогдох албан тушаалтнууд оролцов.
Санамж бичгийн хүрээнд эрүүл мэндийн магадлалын үйл ажиллагаанд оролцож буй эмч, мэргэжилтнүүдийг мэргэшүүлэх сургалтад хамруулах, судалгаа, шинжилгээ хийх, Эрдэм шинжилгээний бага хурал зохион байгуулах, талуудын үйл ажиллагааг сурталчлах, даатгуулагч, хүнд үзүүлсэн эрүүл мэндийн тусламж, үйлчилгээний мэдээлэл солилцох чиглэлээр хамтран ажиллахаар харилцан тохиролцов.
