НДЕГ-ЫН АХЛАХ МЭРГЭЖИЛТНҮҮДИЙН ЗӨВЛӨЛИЙГ БАЙГУУЛЛАА

НДЕГ-ын даргын тушаалаар нийгмийн даатгалын байгууллагын үйлчилгээ, соёлыг сайжруулахад санал санаачилга гаргах, аливаа мэдээлэл, судалгааг, давхардуулахгүй байхад анхаарах, газар, нэгжийн хоорондын уялдаа холбоог сайжруулах, ажилтнуудын ёс зүй, хууль тогтоомжийг мөрдөн, нээлттэй, ил тод, ашиг сонирхлын зөрчлөөс ангид ажиллах зорилгоор “Ахлах мэргэжилтнүүдийн зөвлөл”-ийг анх удаа байгууллаа. Ахлах мэргэжилтнүүдийн зөвлөл нь дээрх чиг үүргийн дагуу эхний хийх ажлаа тодорхойллоо. Үүнд:

Нийгмийн даатгалын үйлчилгээг их өгөгдөл, AI-д суурилсан байдлаар харилцагчдад түргэн шуурхай хүргэх зорилттой Нийгмийн даатгалын байгууллагын бүтэц хэрхэн уялдах шинэчлэлийн санал, загвар боловсруулах;

Монгол Улсын 330 сумын ажилтнуудын ажлын байранд шинжилгээ хийж шинэ SICOS системийг харилцагчдад ээлтэй байдлаар ямар түвшинд ашиглахыг тодорхойлох;

Нийгмийн даатгалын байгууллагын ажилтнуудын харилцаа хандлагыг сайжруулах, ажилтнуудад стресс менежмент хэрхэн хийх зэрэг болно.

НДЕГ-ын ахлах мэргэжилтнүүдийн зөвлөлийн хэрэгжүүлж байгаа ажлууд үр дүнгээ өгснөөр нийгмийн байгууллагын үйлчилгээ, соёл, үйл ажиллагаа сайжрах юм.