ЗӨВЛӨГӨӨ, МЭДЭЭЛЭЛ ӨГЧ ХАМТРАН АЖИЛЛАЛАА
Монгол Улсын Шадар сайдын эрхлэх асуудлын хүрээний байгууллагууд 2026 оны 4 дүгээр сарын 13-ны өдөр Д.Сүхбаатарын талбайд “Нээлттэй хаалга”-ны өдөрлөгийг зохион байгууллаа. Нээлттэй хаалганы өдөрлөгийн хүрээнд гадаадын хөрөнгө оруулагчид болон гадаад худалдаа эрхлэгчдэд зориулсан “Нэг цэгийн үйлчилгээ”-г зохион байгуулж, холбогдох зөвлөгөө, мэдээллийг нэг дороос авах боломжийг бүрдүүллээ.
Тус үйл ажиллагаанд Нийгмийн даатгалын ерөнхий газар, Сүхбаатар болон Баянзүрх дүүргийн Нийгмийн даатгалын газар оролцож, иргэд, даатгуулагчид, ажил олгогчдод нийгмийн даатгалын хууль тогтоомж, шинэчлэлт, үйлчилгээний талаар дэлгэрэнгүй мэдээлэл өгч, зөвлөгөө хүргэн ажиллалаа. Мөн даатгалын хамралтыг нэмэгдүүлэх, иргэдийн эрх, үүргийн талаарх ойлголтыг сайжруулах чиглэлээр сурталчилгаа, мэдээллийн ажлыг зохион байгуулсан байна.
