ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ ТӨРИЙН ЦАХИМ ҮЙЛЧИЛГЭЭНИЙ ЗОХИЦУУЛАЛТЫН ГАЗРЫН АЛБАН ХААГЧДАД СУРГАЛТ ЗОХИОН БАЙГУУЛЛАА
Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор Засгийн газрын хэрэгжүүлэгч агентлагуудын албан хаагчдад Нийгмийн даатгалын багц хуулийн сургалтыг үе шаттайгаар зохион байгуулж байна.
Энэхүү арга хэмжээний хүрээнд Төрийн цахим үйлчилгээний зохицуулалтын газрын албан хаагчдад 2025 оны 06 дугаар сарын 13-ны өдөр “Нийгмийн даатгалын багц хууль”-ийн талаарх сургалтыг зохион байгуулав.
Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг албан хаагчдад танилцуулан, тэдний сонирхсон нийгмийн даатгалын талаарх асуултад хариулт өгч ажиллав.
Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан Төрийн цахим үйлчилгээний зохицуулалтын газрын хамт олонд талархал илэрхийлье.
