ДАРГЫН ЗӨВЛӨЛИЙН ХУРАЛ БОЛЛОО

Даргын зөвлөлийн ээлжит хурал 2025 оны 4 дүгээр сарын 8-ны өдөр боллоо. Хурлаар Арилжааны банканд байршуулах мөнгөн хадгаламжийн тухай, Говьсүмбэр аймгийн Нийгмийн даатгалын газарт ажилласан томилолтын тайлан болон “Бүсийн зөвлөл” өргөтгөсөн хуралдааны талаарх мэдээллийг холбогдох газрын дарга нар танилцууллаа.

Нийгмийн даатгалын ерөнхий хуульд заасны дагуу 2024 оны 11 дүгээр сард Нийгмийн даатгалын үндэсний зөвлөлийн шийдвэрээр хараат бус Мэргэжлийн хороо, Олон нийтийн хяналтын зөвлөлийг анх удаа байгуулсан.

Энэхүү хараат бус Мэргэжлийн хорооноос гаргасан дүгнэлтэд үндэслэн Нийгмийн даатгалын үндэсний зөвлөлийн хурлаар /2025.02.24/ нийгмийн даатгалын сангийн чөлөөт үлдэгдэл 700 тэрбум төгрөгийг Монголбанкнаас тодорхойлсон системийн нөлөө бүхий арилжааны банкуудад хугацаатай хадгаламж хэлбэрээр байршуулахаар шийдвэрлэсэн.

Өнөөдрийн байдлаар энэ шийдвэрийн дагуу Арилжааны таван банкнаас санал ирүүлснээс Голомт банк, Худалдаа хөгжлийн банк, Төрийн банк, Хаан банк зэрэг 4 банкийг сонгож хадгаламж хэлбэрээр байршуулахаар болоод байна. Гэхдээ хадгаламжийн хүү, хадгаламж хэлбэрээр байршуулах мөнгөн дүнгийн эцсийн дүгнэлтийг Олон нийтийн хяналтын зөвлөл гаргаж, хяналт тавьж ажиллана.

Мөн Монгол улсын Засгийн газраас Бүсчилсэн хөгжлийн бодлогыг хэлэлцэх Засгийн газрын өргөтгөсөн хуралдааныг орон нутагт хийхээр шийдвэрлэсэн. Энэ удаагийн өргөтгөсөн хуралдааныг Архангай /Хангайн бүс/ аймагт 04 дүгээр сарын 14-ний өдөр зохион байгуулахаар төлөвлөсөн. Энэ үйл ажиллагаанд НДЕГ-ын дарга панелистаар оролцох юм.

Даргын зөвлөлийн ээлжит хурал 2025 оны 4 дүгээр сарын 8-ны өдөр боллоо. Хурлаар Арилжааны банканд байршуулах мөнгөн хадгаламжийн тухай, Говьсүмбэр аймгийн Нийгмийн даатгалын газарт ажилласан томилолтын тайлан болон “Бүсийн зөвлөл” өргөтгөсөн хуралдааны талаарх мэдээллийг холбогдох газрын дарга нар танилцууллаа.

Нийгмийн даатгалын ерөнхий хуульд заасны дагуу 2024 оны 11 дүгээр сард Нийгмийн даатгалын үндэсний зөвлөлийн шийдвэрээр хараат бус Мэргэжлийн хороо, Олон нийтийн хяналтын зөвлөлийг анх удаа байгуулсан.

Энэхүү хараат бус Мэргэжлийн хорооноос гаргасан дүгнэлтэд үндэслэн Нийгмийн даатгалын үндэсний зөвлөлийн хурлаар /2025.02.24/ нийгмийн даатгалын сангийн чөлөөт үлдэгдэл 700 тэрбум төгрөгийг Монголбанкнаас тодорхойлсон системийн нөлөө бүхий арилжааны банкуудад хугацаатай хадгаламж хэлбэрээр байршуулахаар шийдвэрлэсэн.

Өнөөдрийн байдлаар энэ шийдвэрийн дагуу Арилжааны таван банкнаас санал ирүүлснээс Голомт банк, Худалдаа хөгжлийн банк, Төрийн банк, Хаан банк зэрэг 4 банкийг сонгож хадгаламж хэлбэрээр байршуулахаар болоод байна. Гэхдээ хадгаламжийн хүү, хадгаламж хэлбэрээр байршуулах мөнгөн дүнгийн эцсийн дүгнэлтийг Олон нийтийн хяналтын зөвлөл гаргаж, хяналт тавьж ажиллана.

Мөн Монгол улсын Засгийн газраас Бүсчилсэн хөгжлийн бодлогыг хэлэлцэх Засгийн газрын өргөтгөсөн хуралдааныг орон нутагт хийхээр шийдвэрлэсэн. Энэ удаагийн өргөтгөсөн хуралдааныг Архангай /Хангайн бүс/ аймагт 04 дүгээр сарын 14-ний өдөр зохион байгуулахаар төлөвлөсөн. Энэ үйл ажиллагаанд НДЕГ-ын дарга панелистаар оролцох юм.