НИЙГМИЙН ДААТГАЛЫН БАЙГУУЛЛАГА САЛБАРЫН АЛБАН ХААГЧДЫН СУРГАЛТ, ЗӨВЛӨГӨӨНД ОРОЛЦОЖ, ХУУЛИЙН НЭМЭЛТ ӨӨРЧЛӨЛТИЙН ТАЛААР ТАНИЛЦУУЛЛАА
2026 оны 11 дүгээр сарын 4-ний өдөр Гэр бүл, хөдөлмөр, нийгмийн хамгааллын салбарын албан хаагчдын сургалт, зөвлөгөөн болж, тус арга хэмжээнд Нийгмийн даатгалын байгууллагын удирдлага, албан хаагчид оролцлоо.
Сургалт, зөвлөгөөнийг Гэр бүл, хөдөлмөр, нийгмийн хамгааллын яамны Төрийн нарийн бичгийн дарга А.Даваажаргал нээж, Нийгмийн даатгалын ерөнхий газрын дарга Б.Батжаргал “Нийгмийн даатгалын багц хуульд орсон нэмэлт, өөрчлөлт”-ийг албан хаагчдад танилцуулав.
Арга хэмжээний үеэр Улсын Их Хурлын гишүүн Х.Ганхуяг, Гэр бүл, хөдөлмөр, нийгмийн хамгааллын яамны Төрийн нарийн бичгийн дарга А.Даваажаргал нар салбарын амжилттай ажиллаж буй шилдэг албан хаагчдад шагналыг нь гардуулан өглөө. Тухайлбал:
- ГБХНХЯ-ны “Нийгмийн хамгааллын салбарын тэргүүний ажилтан” тэмдгээр:
- Баянгол дүүргийн нийгмийн даатгалын газрын Хяналт шалгалтын улсын байцаагч Б.Баасанжаргал
- Баянгол дүүргийн нийгмийн даатгалын газрын Тэтгэвэр тогтоолт, олголтын байцаагч Б.Батчимэг
- ГБХНХЯ-ны “Жуух бичиг”-ээр:
- Баянгол дүүргийн нийгмийн даатгалын газрын Тэтгэвэр тогтоолт, олголтын байцаагч Ж.Алтанцэцэг
- Баянгол дүүргийн нийгмийн даатгалын газрын Сангийн нягтлан бодогч Б.Алтантуяа нар тус тус шагнагдлаа.
Мөн уг зөвлөгөөнд Хөдөлмөр, халамжийн үйлчилгээний ерөнхий газар болон Хөгжлийн бэрхшээлтэй хүний хөгжлийн ерөнхий газрын удирдлагууд оролцож, салбарын бодлого, хамтын ажиллагааны талаар илтгэл тавьж хэлэлцүүллээ.
