МОНГОЛЫН ТӨМӨР ЗАМЧДЫН ҮЙЛДВЭРЧНИЙ ЭВЛЭЛИЙН ХОЛБООНЫ ГИШҮҮД, САНХҮҮ, ХҮНИЙ НӨӨЦИЙН АЖИЛТНУУДАД МЭРГЭЖИЛ, АРГА ЗҮЙН ЗӨВЛӨГӨӨ ӨГЛӨӨ
“Нийгмийн даатгал, Tатварын багц хуулийн нэмэлт өөрчлөлт” сэдэвт нэгдсэн өдөрлөг, сургалтын хүрээнд Монголын үйлдвэрчний эвлэлийн соёлын төв ордны бага танхимд Монголын төмөр замчдын үйлдвэрчний эвлэлийн холбооны гишүүд, даатгуулагчид, ажил олгогчид болон салбарын төлөөлөл бүхий 200 гаруй хүний нөөц, санхүү хариуцсан ажилтан, албан хаагчдад зориулсан тусгайлсан сургалт, хэлэлцүүлэг зохион байгуулагдлаа.
Арга хэмжээний үеэр Нийгмийн даатгалын багц хуулийн нэмэлт, өөрчлөлтийн талаар дэлгэрэнгүй мэдээлэл өгч, шимтгэл тайлагналт, нийгмийн даатгалын үйлчилгээ болон практик үйл ажиллагаанд тулгарч буй асуудлуудын талаар оролцогчдын сонирхсон асуултад хариулж, хэлэлцүүлэг өрнүүлэв.
Тус хэлэлцүүлэгт Баянгол дүүргийн Нийгмийн даатгалын газрын Хяналт шалгалтын улсын байцаагч Г.Батболд, Хамралт, орлого шимтгэлийн өр хариуцсан байцаагч мэргэжилтэн Н.Энхболд, Х.Оюунцэцэг нар ажиллаж мэргэжил, арга зүйн зөвлөгөө мэдээллийг өгч ажиллалаа.
