НИЙГМИЙН ДААТГАЛЫН БАГЦ ХУУЛИЙН НЭМЭЛТ, ӨӨРЧЛӨЛТИЙГ ТАНИЛЦУУЛАХ СУРГАЛТУУД ҮРГЭЛЖИЛЖ БАЙНА
Улсын Их Хурлын 2026 оны 07 дугар сарын 02-ны нэгдсэн хуралдаанаар баталсан Нийгмийн даатгалын багц хуулийн нэмэлт, өөрчлөлтийн хэрэгжилтийг хангах ажлын хүрээнд Нийгмийн даатгалын ерөнхий газрын даргын баталсан сургалтын удирдамж, хөтөлбөрийн дагуу бэлтгэгдсэн “Сургагч багш” нар ажил олгогч, даатгуулагч, иргэдэд хуулийг сурталчлан таниулах сургалтыг зохион байгуулж байна.
Өнөөдөр (2026.10.15) Орон сууц нийтийн аж ахуйн удирдах газар болон харьяа 22 салбар байгууллагын дарга, нягтлан бодогч нарын нийт 80 гаруй оролцогчийг хамруулсан сургалтыг Нийгмийн даатгалын ерөнхий газрын хурлын танхимд зохион байгууллаа.
Сургалтаар Сургагч багш Ц.Эрдэнэтуяа, Н.Соёл-Эрдэнэ нар Нийгмийн даатгалын багц хуульд орсон нэмэлт, өөрчлөлт, Нийгмийн даатгалын үйлчилгээний цахимжилтын талаар мэдээлэл өгч, Тэтгэврийн даатгалын бодлогын хэрэгжилт хариуцсан ахлах мэргэжилтэн Э.Сосорбурам, ҮОМШӨ-ний даатгал, ХАБЭА хариуцсан мэргэжилтэн Н.Соёл-Эрдэнэ нар оролцогчдын асуултад хариуллаа.
Нийгмийн даатгалын багц хуулийн нэмэлт өөрчлөлтийн талаар сургалт авах байгууллагууд хүсэлтээ харъяа аймаг, дүүргийн Нийгмийн даатгалын газарт ирүүлэн, хамтран ажиллахыг хүсье.
