ТӨРИЙН АЛБАНЫ ЗӨВЛӨЛӨӨС НИЙГМИЙН ДААТГАЛЫН ЕРӨНХИЙ ГАЗРЫН ҮЙЛ АЖИЛЛАГААНД ХҮНИЙ НӨӨЦИЙН АУДИТ ХИЙЖ БАЙНА
Төрийн албаны зөвлөлөөс Төрийн албаны тухай хууль болон Төрийн албаны зөвлөлийн баталсан төлөвлөгөөний дагуу “Засгийн газрын агентлагийн сул орон тоог нөхөх үйл ажиллагааны хууль тогтоомжийн хэрэгжилт” сэдвээр Засгийн газрын агентлагуудад хүний нөөцийн аудит хийж байна.
Энэхүү аудитын хүрээнд 2026 оны 10 дугаар сарын 08-ны өдөр Төрийн албаны зөвлөлийн гишүүн Б.Пүрэвдагва болон аудитын багийн бүрэлдэхүүн Гэр бүл, хөдөлмөр, нийгмийн хамгааллын яамны харъяа агентлагуудын дарга болон Хүний нөөцийн асуудал хариуцсан албан хаагчдад аудитын удирдамжийг танилцуулж, аудитын зорилго, зорилт, анхаарах асуудлын талаар мэдээлэл өглөө.
Уулзалтад Нийгмийн даатгалын ерөнхий газрын дарга Б.Батжаргал, Хөдөлмөр, халамжийн үйлчилгээний ерөнхий газрын дарга З.Бауыржан болон Гэр бүл, хөдөлмөр, нийгмийн хамгааллын яам, харъяа агентлагуудын ажил хариуцсан албан хаагчид оролцлоо.
Нийгмийн даатгалын ерөнхий газрын даргын 2026 оны “Ажлын хэсэг байгуулах тухай” А/124 дугаар тушаалаар баталсан Ажлын хэсэг аудитын багийг шаардлагатай мэдээлэл, холбогдох баримт бичгээр хангаж, ажиллах нөхцөлийг бүрдүүлэн хамтран ажиллаж байна.
