“СУРГАГЧ БАГШ” БЭЛТГЭХ СУРГАЛТ АМЖИЛТТАЙ ҮРГЭЛЖИЛЖ БАЙНА
Нийгмийн даатгалын багц хуульд орсон нэмэлт, өөрчлөлтийн хэрэгжилтийг хангах, ажил олгогч, даатгуулагч, иргэд, олон нийтэд хууль тогтоомжийг сурталчлан таниулах зорилготой “Сургагч багш” бэлтгэх сургалт 2 дахь өдрөө амжилттай үргэлжилж байна.
Нийгмийн даатгалын ерөнхий газраас зохион байгуулж буй тус сургалтад Гэр бүл, хөдөлмөр, нийгмийн хамгааллын яам, Нийгмийн даатгалын үндэсний зөвлөлийн ажлын алба болон НДЕГ-ын газар, хэлтсийн дарга, ахлах мэргэжилтнүүдээс бүрдсэн 50 гаруй албан хаагч хамрагдаж байгаа юм.
Сургалтын 2 дахь өдөр буюу 09 дүгээр сарын 11-ний өдрийн хөтөлбөрийн дагуу оролцогчдыг чадавхжуулах чиглэлээр дараах агуулга бүхий хичээл, дадлага ажлууд хийгдэж байна. Үүнд:
- Нийгмийн даатгалын ерөнхий хуулийн нэмэлт, өөрчлөлтийг аж ахуйн нэгж, байгууллагад хэрэгжүүлэхэд анхаарах асуудлууд;
- Нийгмийн даатгалын цахим үйлчилгээ, SICOS системийн хэрэглээ;
- Төрийн албан хаагчийн ёс зүй, ашиг сонирхлын зөрчлөөс урьдчилан сэргийлэх;
- Ахив, албан хэрэг хөтлөлтийн шаардлага;
- “Төрийн албаны үйл ажиллагаанд тавих ерөнхий шаардлага” (MNS 7068:2025) стандартын хэрэгжүүлэхэд анхаарах асуудал;
- Сургагч багш нарын олон нийттэй харилцах, мэдээллийг цэгцтэй ойлгомжтой хүргэх, өөртөө итгэлтэй ярих ур чадварыг дээшлүүлэх практик дадлага хийх зэрэг сургалтыг зохион байгуулж байна.
Сургагч багшаар бэлтгэгдсэн бүрэлдэхүүн цаашид Нийгмийн даатгалын багц хуулийн нэмэлт өөрчлөлтийн талаарх мэдээлэл, сургалтыг олон нийт, аж ахуй нэгж байгууллага, даатгуулагч, иргэдэд хүргэх юм.
