НИЙГМИЙН ДААТГАЛЫН ЕРӨНХИЙ ГАЗРЫН ШУУРХАЙ ХУРАЛ БОЛЛОО
Нийгмийн даатгалын ерөнхий газрын шуурхай хурал өнөөдөр болж, салбарын хэмжээнд хэрэгжүүлж буй гол ажил болон цаашдын чиглэлийн талаар мэдээлэл, чиглэл өглөө.
Хуралдааны эхэнд Нийгмийн даатгалын ерөнхий газрын дарга Б.Батжаргал Нийгмийн даатгалын багц хуулийн нэмэлт, өөрчлөлтийг хэрэгжүүлэх бэлтгэл ажлыг хангахад, газар, хэлтсүүдийн ажлын ачааллыг тэнцвэржүүлэхэд анхаарч ажиллахыг санууллаа.
Мөн хуулийн нэмэлт, өөрчлөлтийг ажил олгогч, даатгуулагч, иргэд , олон нийтэд сурталчлан таниулах төлөвлөгөөг танилцуулж, анхаарах асуудлын талаар нэгдсэн чиглэл өгөв.
Түүнчлэн нэгж хоорондын уялдаа холбоо, мэдээлэл солилцоог сайжруулах нь ажлын бүтээмжид чухал ач холбогдолтойг онцолсон юм.
Хуралдааны төгсгөлд 2026 оны зорилтот жилийн хүрээнд албан хаагч бүр хариуцсан ажилдаа эзэн болж, төрийн албан хаагчийн ёс зүйн хэм хэмжээг чанд баримтлан, төлөвлөсөн ажлуудыг үр дүнтэй, түргэн шуурхай хэрэгжүүлэхийг даалгаж, ажлын амжилт хүслээ.
