НИЙГМИЙН ДААТГАЛЫН ХУУЛЬ ТОГТООМЖИД ОРСОН НЭМЭЛТ, ӨӨРЧЛӨЛТИЙН ТАЛААР МЭДЭЭЛЭЛ, ТАНИЛЦУУЛГА ХҮРГЭЛЭЭ
Монголын Үйлдвэрчний Эвлэлийн Холбооноос жил бүр орон даяар тэмдэглэн өнгөрүүлдэг Үйлдвэрчний эвлэлийн өдрүүдийн хүрээнд зохион байгуулж байгаа “Нийгмийн түншлэл-Хамтын ажиллагаа” сэдэвт ажил олгогч, үйлдвэрчний эвлэлийн гишүүдийн сургалт, уулзалт өнөөдөр зохион байгуулагдаж байна.
Энэхүү арга хэмжээний нээлтэд Нийгмийн даатгалын ерөнхий газрын дарга Б.Батжаргал, МҮЭХ-ны ерөнхийлөгч Э.Тамир, Монголын ажил олгогч эздийн холбооны дэд ерөнхийлөгч Ч.Нанжидсамбуу, Хүний эрхийн Үндэсний Комиссын дарга Д.Сүнжид нар оролцож, үг хэлэв.
Сургалтын үеэр Нийгмийн даатгалын ерөнхий газрын Бодлогын хэрэгжилт, төлөвлөлтийн газрын ахлах мэргэжилтэн М.Бямбадулам оролцогчид болох ажил олгогчдын төлөөлөл, анхан шатны Үйлдвэрчний Эвлэлийн хороодын дарга гишүүдэд Нийгмийн даатгалын хууль тогтоомжид орсон нэмэлт, өөрчлөлтийн талаар мэдээлэл, танилцуулга хийж, сонирхсон асуултад хариулт өгч, зөвлөгөө, мэдээлэл хүргэлээ.
