УУЛЗАЛТ ЗОХИОН БАЙГУУЛЛАА
Нийгмийн даатгалын ерөнхий газрын Санхүү бүртгэл, хөрөнгө оруулалтын газраас нийслэлийн төвийн 6 дүүргийн Нийгмийн даатгалын газрын Санхүү бүртгэлийн хэлтсийн дарга нартай 2026 оны 8 дугаар сарын 26-ны өдөр уулзалт зохион байгууллаа.
Уулзалтаар нийслэлийн төвийн 6 дүүргийн Нийгмийн даатгалын газрын тэтгэмж олголтын мэдээллийг сонсож, цаашид авч хэрэгжүүлэх арга хэмжээний талаар санал солилцов.
Улсын Их Хурлын 2026 оны 7 дугаар сарын 02-ны өдрийн нэгдсэн чуулганаар баталсан Нийгмийн даатгалын сангаас олгох тэтгэмжийн тухай хуульд нэмэлт, өөрчлөлт оруулах тухай хуулийн хүрээнд нийслэлийн төвийн 6 дүүргийн Нийгмийн даатгалын газар даатгуулагчдад олгох ажилгүйдлийн тэтгэмжийг хуваарийн дагуу олгож байна.
Нийгмийн даатгалын сангаас олгох бүх төрлийн тэтгэмжийг хуулийн хугацаанд бүрэн шийдвэрлэхэд аж ахуйн нэгж, байгууллагуудаас төлөх нийгмийн даатгалын шимтгэлийг сар бүр бүрэн төвлөрүүлж, шимтгэлийн авлага барагдуулах ажлыг эрчимжүүлж ажиллахыг уулзалтад оролцсон хэлтсийн дарга нарт онцгойлон анхаарууллаа.
