“ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН УРЬДЧИЛАН СЭРГИЙЛЭЛТИЙН ЦОГЦ АЯН–2026” АРГА ХЭМЖЭЭГ ДУНДГОВЬ, ӨМНӨГОВЬ АЙМАГТ ЗОХИОН БАЙГУУЛЛАА
Үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн хэрэгжилтийг хангах ажлын хүрээнд иргэд, даатгуулагчдыг үйлдвэрлэлийн осол, мэргэжлээс шалтгаалсан өвчний эрсдэлээс урьдчилан сэргийлэх, ажилтны эрүүл мэндийг хамгаалах, аюулгүй ажиллагааны соёлыг төлөвшүүлэх чиглэлээр хэрэгжүүлж байгаа “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН УРЬДЧИЛАН СЭРГИЙЛЭЛТИЙН ЦОГЦ АЯН-2026” арга хэмжээг 2026 оны 06 дугаар сарын 11-16-ны өдрүүдэд Дундговь, Өмнөговь аймгуудад зохион байгууллаа.
Аяны хүрээнд тус хоёр аймгийн аймгийн ажил олгогч, хувиараа хөдөлмөр эрхлэгчдийн төлөөлөл бүхий 1400 гаруй даатгуулагч, иргэдэд Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн талаар болон хууль тогтоомжийн талаар мэдээлэл өглөө. Мөн хөдөлмөрийн аюулгүй байдал, эрүүл ахуйн чиглэлээр сургалт явуулахаас гадна ажлын байрны хөдөлмөрийн нөхцөл, эрсдэлийн үнэлгээ хийж, урьдчилан сэргийлэх чиглэлээр мэргэжил, арга зүйн зөвлөгөө өгөх зэрэг цогц үйл ажиллагааг үзүүллээ.
Энэхүү цогц аян нь үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, хөдөлмөрийн аюулгүй байдал, эрүүл мэндийн урьдчилан сэргийлэх тогтолцоог бэхжүүлэх, ажлын байрны осол, зөрчлийг бууруулах, улмаар хөдөлмөрийн чадвар алдсан иргэдийн тоог бууруулах зорилготой. Цаашид тус үйл ажиллагаа орон даяар зохион байгуулах юм.
