НДЕГ-ЫН ДАРГА СЭЛЭНГЭ АЙМГИЙН НИЙГМИЙН ДААТГАЛЫН ГАЗАР АЖИЛЛАЛАА
Нийгмийн даатгалын ерөнхий газрын дарга Б.Батжаргал болон холбогдох газрын мэргэжилтнүүд 2026 оны 05 дугаар сарын 21-ний өдөр Сэлэнгэ аймгийн Нийгмийн даатгалын газар болон Алтанбулаг, Мандал сумын Нийгмийн даатгалын тасагт ажиллалаа. Энэ үеэр 2026 оны Нийгмийн даатгалын байгууллагын зорилт, цаашид анхаарах асуудал, нийгмийн даатгалын сангийн орлогын төлөвлөгөөг биелүүлэх, шимтгэлийн өр барагдуулах ажлыг эрчимжлүүлэх, талаар албан хаагчдад мэдээлэл өглөө. Уулзалтаар дараах чиг үүргийг өглөө. Үүнд:
– Бүх шатанд хууль тогтоомжийг, чандлан сахих;
– Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;
– Шилэн дансны тухай хууль болон Нийтийн мэдээллийн ил тод байдлын тухай хуулийн хэрэгжилтийг хангаж ажиллах;
– Ашиг сонирхлын зөрчлөөс ангид байх, сахилга бат, ёс зүйн хэм хэмжээг дээдлэх
– Тэтгэврийн хувийн хэргийн материалыг цахимжуулах ажлыг эрчимжүүлэх;
– Сумын байцаагч нарыг чадавхжуулах зорилгоор нийслэлийн зарим дүүргийн Нийгмийн даатгалын газарт богино хугацаагаар шилжүүлэн ажиллуулах зэрэг болно.
Сэлэнгэ аймгийн хэмжээнд 2025 оны жилийн эцсийн байдлаар хөдөлмөрийн чадвар алдсан 4644 иргэн байгаа нь улсын дундажтай харьцуулахад өндөр байгаа юм. Тиймээс хөдөлмөрийн чадвар алдалтын хувь, хугацааг тогтоохтой холбоотойгоор дотоодын хяналтыг сайжруулж гарч болох алдаа зөрчлөөс сэргийлэх, хөдөлмөрийн чадвар алдсан иргэдийн тоог бууруулах, даатгуулагч хүнд үзүүлэх хөдөлмөрийн чадвар алдалтын хувь, хугацааг шийдвэрлэх үйл ажиллагааг хүртээмжтэй, чирэгдэлгүй үзүүлэхэд анхаарч ажиллахыг үүрэг болголоо.
