ХӨДӨЛМӨРИЙН ЧАДВАР ТҮР АЛДСАНЫ ТЭТГЭМЖИД 16.3 ТЭРБУМ ТӨГРӨГ ОЛГООД БАЙНА

Нийгмийн даатгалын ерөнхий газраас даатгуулагчдын нийгмийн баталгааг хангах, хөдөлмөрлөх явцад эрүүл мэндийн шалтгаанаар үүссэн эрсдэлийг хуулийн дагуу шуурхай шийдвэрлэх чиглэлээр тасралтгүй ажиллаж байна.

Улсын хэмжээнд 2026 оны эхний 4 сарын байдлаар эрүүл мэндийн шалтгаанаар хөдөлмөрийн чадвараа түр алдсан 29.3 мянган даатгуулагчид Нийгмийн даатгалын сангаас нийт 16.3 тэрбум төгрөгийн тэтгэмжийг тооцон олгоод байна.

Даатгуулагч та нийгмийн даатгалын үйлчилгээ, тэтгэмж тогтоолт болон шимтгэл төлөлттэй холбоотой өөрийн мэдээллийг Нийгмийн даатгалын ерөнхий газрын албан ёсны цахим портал www.portal.ndaatgal.mn хаяг болон E-Mongolia системээр нэвтрэн шалгах боломжтой.

Мөн холбогдох хууль тогтоомж, үйлчилгээний талаарх мэдээллийг Нийгмийн даатгалын нэгдсэн лавлах утас 7777-1289 дугаараас тодруулна уу.