ТАТВАРЫН МЭРГЭШСЭН ЗӨВЛӨХИЙН НИЙГЭМЛЭГТЭЙ ХАМТЫН АЖИЛЛАГААНЫ САНАМЖ БИЧГИЙГ ШИНЭЧЛЭН БАЙГУУЛЛАА
Нийгмийн даатгалын ерөнхий газар, Татварын мэргэшсэн зөвлөхийн нийгэмлэгтэй “Хамтын ажиллагааны санамж бичиг”-ийг шинэчлэн байгуулав.
Санамж бичгийн хүрээнд нийгмийн даатгалын хууль тогтоомжийг даатгуулагч, иргэдэд таниулан сурталчлах, нийгмийн даатгалын шимтгэл төлөх иргэдийн сэтгэлгээг төлөвшүүлэх, нийгмийн даатгалын байцаагч, санхүүгийн ажилтнуудад зориулан татварын мэргэшсэн зөвлөхийн эрх олгох сургалтыг хөнгөлөлттэй нөхцөлөөр зохион байгуулах, талуудын үйл ажиллагаа, үйлчилгээний талаарх мэдээллийг даатгуулагч, бизнес эрхлэгчдэд түгээх, сурталчлах, мэдээллийн ил тод, нээлттэй байдлыг бий болгох чиглэлээр төрийн болон төрийн бус байгууллагын түншлэлийг хөгжүүлэх, хамтын ажиллагааг үр дүнд хүргэх чиглэлээр харилцан мэдээлэл солилцож, дэмжлэг үзүүлэн хамтран ажиллахаар болов.
Санамж бичгийг Нийгмийн даатгалын ерөнхий газрын дарга Б.Батжаргал, Захиргаа, удирдлагын газрын дарга Б.Даваахүү, Татварын мэргэшсэн зөвлөхийн нийгэмлэгийн ерөнхийлөгч Ү.Галмандах, гүйцэтгэх захирал Г.Хишигзул нар гарын үсэг зурж, баталгаажуулав.
