“КОЛЛПРО” ХХК-НААС НИЙГМИЙН ДААТГАЛЫН АЖИЛТАН АЛБАН ХААГЧДАД СУРГАЛТ ЗОХИОН БАЙГУУЛЛАА

Нийгмийн даатгалын байгууллага нь иргэд, даатгуулагч, ажил олгогчдод үзүүлэх үйлчилгээг түргэн шуурхай, хүртээмжтэй, чирэгдэлгүй хүргэх зорилтын хүрээнд “КоллПро” ХХК-тай хамтран ажиллаж байна. Энэхүү хамтын ажиллагааны хүрээнд нийгмийн даатгалын байгууллагын утасны дуудлагыг “CallPro Voice” үйлчилгээгээр дамжуулан хүлээн авч, иргэд, даатгуулагч, ажил олгогчдод зөвлөгөө, мэдээлэл хүргэн ажиллаж байгаа билээ.

Хамтран ажиллах гэрээний хүрээнд НДЕГ-ын Үйлчилгээ хөгжүүлэлт, олон нийттэй харилцах газраас “КоллПро” ХХК-тай хамтран “CallPro” үйлчилгээний хэрэглээ, давуу тал, ач холбогдлыг танилцуулах цахим сургалтыг зохион байгууллаа.. Тус сургалтаар хэрэглэгчийн үйлчилгээг стандартжуулах, зорилтот бүлэг рүү дуудлагыг оновчтой шилжүүлэх, үйлчилгээний чанар, хүртээмжийг нэмэгдүүлэх боломжууд болон системийн бусад давуу талуудыг КоллПро ХХК-ны гүйцэтгэх захирал Т.Аягуль танилцуулсан бөгөөд 21 аймаг, 9 дүүргийн нийт 158 ажилтан, албан хаагч хамрагдав.

Цаашид тус үйлчилгээний боломжуудыг бүрэн нэвтрүүлж, иргэдэд хүргэх үйлчилгээний чанар, хүртээмжийг улам сайжруулах, хөгжүүлэх зорилт тавин ажиллаж байна.