Нийгмийн даатгалын ерөнхий газар Ёс зүйн хороотой хамтран Нийгмийн даатгалын салбарын албан хаагчдад зориулсан “Төрийн албан хаагчийн ёс зүйн бодлого, үйл ажиллагаа” сэдэвт сургалтыг зохион байгууллаа.
Сургалтыг Ёс зүйн хорооны дарга Ц.Амартөгс удирдан явуулж, төрийн албан хаагчийн ёс зүйн хэм хэмжээ, ёс зүйн бодлого, үйл ажиллагааны хэрэгжилтийн талаар мэдээлэл өгч, оролцогчидтой санал солилцов. Тус сургалтад танхимаар 57 албан хаагч, цахимаар 630 албан хаагч хамрагдаж, нийт 687 албан хаагч оролцлоо.
Энэхүү сургалт нь албан хаагчдын ёс зүйн мэдлэг, ойлголтыг нэмэгдүүлэх, төрийн албаны үнэт зүйл, хариуцлага, ёс зүйн хэм хэмжээг өдөр тутмын үйл ажиллагаандаа мөрдөн ажиллах ач холбогдолтой арга хэмжээ боллоо.
